Mateo 16:14 - Ke meupiya ne tudtul mekeatag ki Hisu Kristu

¹⁴ “Ruen egkahi te sikuna si Juan ke Ebpembunyag,” ke sikandan. “Ne ruen duma ne egkahi te sikuna si Elias ke mibpelambas te Lalag te Eleteala rengan. Ne ruen pà ruma ne egkahi te sikuna si Jeremias etawa seveka ne mibpelambas te Lalag te Eleteala rengan.”

Mateo 16:14 ပူးပေါင်းရင်းမြစ်များ

Mateo 14:2

Migkahi sikandin kayi te menge kedserihan din te, “Neuyag ded maa si Juan ke Ebpembunyag, tembù be ruen gehem din te kebpekevaal te menge mekegeyip.”

Mateo 16:15

“Ne menu sikiyu,” ke si Hisus, “engkey e ma diyà te pegitungan niyu?”

Mateo 17:10

Ne ketà ne mid-insà kandin ke menge edumdumaan din te, “Meambe ke egkehiyen te menge meyterù te penduan te iyan ed-una ebpengkayi ne si Elias ke etew ne mibpelambas te Lalag te Eleteala rengan, ne arà pà ke Impasad te Eleteala ne Edatù?”

Mateo 3:1

Ketà ne hewii ne nekeuma si Juan ne Ebpembunyag kayi te tanà ne kenà egkeubpaan te menge etew diyà te lusud te Hudiya, ne impesabut din ke Lalag te Eleteala riyà te menge etew ne ed-uvey kandin.

Marcos 6:15

Ruen duma ne migkahi te, “Si Elias ded ini, ke mibpelambas te Lalag te Eleteala rengan.” Ruen duma pà ne migkahi te, “Sikandin ini ke ebpelambas te Lalag te Eleteala iring te senge etew rut te menge mibpelembas te Lalag te Eleteala rengan.”

Marcos 8:28

“Ruen egkahi te sikuna si Juan ke Ebpemunyag,” ke sikandan. “Ne ruen duma ne egkahi te sikuna si Elias ke mibpelambas te Lalag te Eleteala rengan. Ne ruen pà ruma ne egkahi te sikuna ke seveka ne mibpelambas te Lalag te Eleteala rengan.”

Lucas 9:8

Ruen duma ne migkahi te si Elias ini ke mibpelambas te Lalag te Eleteala rengan ne neuyag ded. Duen ruma pà maa ne migkahi te sikandin ini ne senge etew rut te menge mibpelambas te Lalag te Eleteala rengan ne neuyag maa.

Juan 1:21

“Engkey ke ve, si Iliyas ka?” ke sikandan. “Kenà,” ke si Juan. “Ne engkey ke ve iya? Maa sikuna en iya ayan ke ebpelambas te Lalag te Eleteala ne impasad din?” ke sikandan. “Kenà,” ke si Juan.

Juan 7:12

Duen merakel ne ebpevutbutehey mekeatag kandin ketà te menge etew ne nevurun. Ruen egkahi te, “Si Hisus ne meupiya ne etew.” Ne ruen ruma pà ne egkahi te, “Kenà, su ibpesuwey rin ke menge etew.”

Juan 9:17

Ne mid-insaan dan en manen ke etew ne neulian te, “Na sikew, nekahi nu te sikandin se kineulii te mata nu, engkey ve se nepegitung nu mekeatag kandin?” Ke sikandin te, “Ebpelambas sikandin te Lalag te Eleteala.”