Mateo 15:8 - Ke meupiya ne tudtul mekeatag ki Hisu Kristu

⁸ ‘Ini se menge etew, ne kayi rà te bivig dan se ked-arap dan kediey, ugaid ne ke hinawa ran ne medmeriyù kediey.

Mateo 15:8 ပူးပေါင်းရင်းမြစ်များ

Mateo 15:7

Sikiyu ne uvag en kun ne ebperetiyaya! Benar iya ke lalag mekeatag keniyu ne impesurat te Eleteala ki Isayas ne mibpelambas te Lalag te Eleteala rengan su migkahi te,

Marcos 7:6

Ne midtavak si Hisus kandan te, “Benar iya ke lalag mekeatag keniyu ne impesurat te Eleteala ki Isaias ne mibpelambas te Lalag te Eleteala rengan. Su sikiyu ne uvag en kun ne ebperetiyaya iring dut te insurat din ne egkahi te, ‘Ini se menge etew, ke se Eleteala, ne kayi rà te bivig dan se ked-arap dan kediey, ugaid ne ke hinawa ran ne medmeriyù kediey.

Juan 1:47

Guna su nekita ni Hisus si Natanael se ebpelingguma kayi te kandin ne migkahi te, “Ayan be ke tidtu ne inenakan ni Israyil su warà edtelevan din.”

Juan 5:23

Iyan din kinesarig kedì su apey siaken ne Anak din ne egkereyrey rut te langun ne menge etew, iring te kedeyreya ran te Amey ku. Su misan engkey en ne etew ne kenà edeyrey kedì ne kenà dema edeyrey dut te Amey ku ne Eleteala ke midsuhù kedì.

Nenged-ulaula 8:21

Warà kebpekeamung nu etawa kebpekeruma nu te ini ne helevek dey,” ke si Pedro, “su kenà metidtu ke hinawa nu riyà te etuvangan te Eleteala.

Hibruhanen 3:12

Engketà be menge suled ku, uram-uram kew nevenar su apey warà seveka keniyu ne eduma te meraatey ne itungan ne ed-awà se peretiyaya rin te Eleteala, su arà se kebpekepekeriyù tew rut te Eleteala ne warà kemetayen din.

1 Pedro 3:10

Su ruen impesurat ne Lalag te Eleteala ne egkahi te, “Piya engkey ne etew ne egkiyug te meupiya se ked-ubpà din kayi te ampew te dunya ne egkehalew te hinawa rin ne melinew, ne iyan iya se edtiemen din ke bèbà din ne ed-engked sikandin se edtarùtarù.