Mateo 15:14 - Ke meupiya ne tudtul mekeatag ki Hisu Kristu

¹⁴ Belehara niyu sikandan! Su iring dan te menge pisek ne edtuyuk te pisek ded dema. Ne embiya ruen pisek ne edtuyuk te pisek ded dema, ne elin dan egkeulug diyà te lepak.”

Mateo 15:14 ပူးပေါင်းရင်းမြစ်များ

Lucas 6:39

Ne mibpenempità si Hisus te, “Embiya ruen etew ne pisek, ne kenà egkepakey ne edtuyuk te etew ne pisek ded dema. Su embiya elin dan pisek ne ebpeked-unung dan se egkeulug diyà te lepak.

Juan 9:39

Migkahi si Hisus te, “Iyan ku impengkayi te ampew te dunya su edtimbangen ku ke menge etew su apey ke menge etew ne nerusireman te kegkepisek dan ne edtelimà kedì ne ebehayan ku te kerayahan. Ugaid ne ke kenà edtelimà kedì su engkungkun ne nekita ran ke kerayahan ne ebpelekapan ku ke mata ran.”

1 Timoteo 6:5

wey ebpeep-epuley ran su ini ke ulaula rut te menge etew ne nereetan en ke itungan dan ne warè en iya meketahù te itungan dan ke tidtu ne penurù ni Hisu Kristu. Su iyan dan kunaan ke kebpesakup dan te Eleteala ne ebpekegkewasa kandan.

2 Pedro 2:1

Duen dengan menge etew ne engkungkun ne ebpelambas te Lalag te Eleteala. Ne iring ded dema guntaan ne ruen menge etew ne edlepew ne deisekdeisek ne ebpenurù te tarù diyà te keniyu. Iyan dan ibpenurù ne ederaat te kebperetiyaya niyu te Eleteala su kenà dan ebperetiyaya te si Hisu Kristu ke Kerenan tew ne mibpeliyu keyta te kedusa te salà ta. Tembù be ruen hewii ne ebpekeuma ne egketekew ne edereetan dan te Eleteala.

2 Pedro 2:17

Ne embiya idsempità ta ini se menge etew ne ebpenurù te tarù ne iring dan te tuhunan ne neiratan ne warè en pantag din, etawa iring dan te kivel ne idlayap te keramag ne warà misan senge tihis dà ne uran. Impenehana en te Eleteala ini se medmerusirem diyà te apuy nerakà ne ed-ubpaan dan.

Imperayag 19:20

Guna su mibpekibunù dan ne nesigkem arà se mekeandek ne binatang wey arà se mibpelambas te tarù ne lalag ni Setanas ke datù te pekaid, arà se mibaal te mekegeyip ibpepevayà dut te gehem te mekeandek ne binatang. (Su kayi te arà se ulaula rin ne mekegeyip, ne nelimbungan din ke langun ne menge etew ne netiyapan dut te mekeandek ne binatang wey langun ne menge etew ne mibpengarap dut te ledawan iring te paras din.) Ketà ne in-antug te biviyag pà arà se mekeandek ne binatang wey ke ebpelambas ki Setanas diyà te apuy nerakà ne egkeregreg ne sendawà.

Imperayag 22:15

Ugaid ne iyan kenà ebpekelusud ketà te inged te Eleteala ne ke langun ne mekeyeyà se ed-ul-ulaan din, ne ke duen menge ketuenan din, ke menge ebpengingniyug, ke menge terevunù, ke menge ebpengarap te ledawan dà ne kenà tidtu ne Eleteala, ke menge teruen, wey ke menge limbungen. Warà etew ne ed-ulaula te iring ketà ne ebpekelusud ketà te inged.