Mateo 14:3 - Ke meupiya ne tudtul mekeatag ki Hisu Kristu

³ Ini se nekahi ni Hirudis su sikandin en iya ke mibpeimatey ki Juan su sikandin pà ke mibpesigkem, ne mibpevakù ne mibpevilanggù. Iyan din kineul-ulaa kayi su mid-esawa rin si Hirudiyas ke ipag din misan si Hirudiyas ne esawa rut te tuney ne suled din ne si Felipe.

Mateo 14:3 ပူးပေါင်းရင်းမြစ်များ

Mateo 11:2

Ugaid ne riyan en te bilengguan si Juan ke Ebpembunyag. Ne guna su nerineg din ke mekegeyip ne mid-ulaula ni Hisu Kristu, ne ruen menge edumdumaan din ne midsuhù din diyà te ki Hisus te ebpeinsaen.

Mateo 14:6

Ugaid ne guna su neuma ke hewii te kineanaka ki Hirudis ne ruen kevurunan, ne ketà ne pinesayew ke anak ni Hirudiyas ne raha. Ne ingkesuatsuat ni Hirudis ini,

Mateo 4:12

Guna su nerineg ni Hisus te impevilanggù en si Juan ke Ebpembunyag ne mibpendiyà sikandin te inged ne Geliliya.

Marcos 6:14

Nekeeneb en ini se tudtul mekeatag te ed-ul-ulaan ni Hisus taman te nekeuma en diyà te ki Hirudis, ke egkeunutan kayi te inged ne Geliliya, su nevantug en si Hisus diyà te langun ne inged ketà. Ruen menge etew ne migkahi te, “Neuyag ded maa si Juan ke Ebpembunyag, tembù be ruen gehem din te kebpekevaal din te menge mekegeyip.”

Marcos 6:17

Ini se nekahi ni Hirudis su sikandin en iya ke mibpeimatey ki Juan, su sikandin pà ke mibpesigkem, ne mibpevakù ne mibpevilanggù kandin. Iyan din kineul-ulaa kayi su mid-esawa rin si Hirudiyas ke ipag din misan si Hirudiyas ne esawa rut te tuney ne suled din ne si Felipe.

Marcos 6:19

Arà be ke ingkeepes ni Hirudiyas ki Juan, ne ebpeimetayan din perem, ugaid ne warà din med-ulaula ini su warà megkiyug si Hirudis.

Marcos 6:22

Ketà te kevurunan ne pinesayew ke anak ni Hirudiyas ne raha, ne ingkesuatsuat ni Hirudis wey ke menge etew ne impetelavuk din. Tembù be migkahi si Hirudis dut te raha te, “Engkey ma se egkiyuhan nu? Su misan engkey en ne egkekuwa nu, ne ibehey ku keykew.”

Marcos 8:15

Ne midsempità si Hisus kandan se egkahi te, “Andam kew,” ke sikandin, “ne ingati niyu te kenà kew egkepeneheewit te ibpelevag te pan dut te menge Peresiyu, abpeg ki Hirudis.”

Lucas 13:1

Ne ruen menge etew ne nekeuma ketà su mibpenudtul ki Hisus mekeatag te menge etew riyà te Geliliya ne mibpeimetayan ni Gubinedur Pilatu gewii te ebpelengesa ran diyà te Nekebpuru ne Valey te Eleteala.

Lucas 13:31

Ketà te arà ne menge hewii ne ruen menge Peresiyu ne mid-ingguma ki Hisus ne migkahi ran te, “Levundus ke en diyà te ruma ne inged su ed-imetayan ka kun ni Hirudis.”

Lucas 23:11

Ne mid-undaunda ni Hirudis wey ke menge sundaru rin si Hisus ne pinegkeyà dan. Ne pinelelembung dan te velegkas te datù su uvag kun ne ratù ne impelived dan en maa riyà te ki Pilatu.

Lucas 23:7

“Uya,” ke sikandan, “etew ayan te Geliliya.” Guna su netuenan ni Pilatu te riyà bes ne etew si Hisus te Geliliya ne inged ne egkemalan ni Hirudis, ne impependiyà din si Hisus te ki Hirudis. Su seretà din ketà ne kayi rema si Hirudis te Hirusalim.

Lucas 3:1

Midsahadsahad en se menge rahun ne ini en ke ikesepulù en wey lelima ne rahun te kegkamal ni Tibiriyu rut te inged ne Ruma. Si Punsiyu Pilatu se midtendù din ne gubinedur dut te pruvinsiya ne Hudiya, si Hirudis se migkamal te pruvinsiya ne Geliliya, ne ke ari rin ne si Felipe se migkamal te menge pruvinsiya te Ituriya wey Terekunita, wey iyan migkamal te pruvinsiya te Ebeliniya ne si Lisanyas.

Lucas 8:3

Ne ruen dema ketà si Juana ke esawa ni Kusa, ne midserihan ni Hirudis ke mepurù dan diyà te turuhan din. Si Susana rema wey merakel pà ne meritan ne miduma engki Hisus su edtuganur kandan te egenat te pentiyari ran.

Nenged-ulaula 12:1

Ketà ne hewii te si Hirudis se egkamal ketà ne inged ne midrudsù sikandin te ebpekesakit dut te ruma ne mibperetiyaya ki Hisus.

Nenged-ulaula 4:27

Is, Eleteala,” ke sikandan, “ini se impekahi nu ki David dengan ne netuman en su nevurun en ke menge Hudiyanen wey ke kenà menge Hudiyanen diyà te engki Hirudis wey si Gubinedur Punsiyu Pilatu kayi te inged ne Hirusalim su neseveka ran en ne egkunterà ki Hisus, ini se sugsuhuen nu ne meputì nevenar se atey rin, ini se Impasad nu ne Ebperetuen te langun.