Mateo 14:25 - Ke meupiya ne tudtul mekeatag ki Hisu Kristu

²⁵ Egkepkepawà ketà ne midtelukun en si Hisus kandan se ed-ip-ipanew riyà te divavew te wayig.

Mateo 14:25 ပူးပေါင်းရင်းမြစ်များ

Mateo 24:43

Ugaid ne ini se idtahù niyu te hinawa,” ke si Hisus, “embiya ebpekeingat ke kemuney te valey ke keenu ebpekeuma ke tekawen, ne ebpenehana neraan sikandin su apey kenà ebpekelusud te valey rin ke ebpenakew.

Marcos 13:35

“Ne sikiyu,” ke si Hisus “ne iring kew rut te tumetameng te eheran ne pekevantey kew su warà niyu metueni ke hewii te edlived din ini se kemuney te baley, ke embiya meapun be, ke edluuk be se kerukileman, ke ebpengelet en be ke manuk, etawa ve ke edsilà en ke andew.

Marcos 6:48

Ne nesandeng ni Hisus se egkepesangan ke menge edumdumaan din te ebpemura su egkesurang dan ke mevandes ne keramag. Guna su egkepkepawà en ne midtelukun en si Hisus kandan se ed-ip-ipanew riyà te rivavew te wayig, ne iring te edsahad dà kandan.

Lucas 12:38

Meupiya nevenar se hinawa rut te menge edsugsuhuen ne neumaan dut te ebpengemuney kandan ne mid-andam neraan misan ebpekeuma sikandin te edluuk se hewii te merukilem etawa egkepkepawà en.

Juan 6:19

Guna su neketantal dan en te menge lelima ne kilù, ne arà pà ne nekita ran si Hisus se ebpelingguma ne ed-ipanew kayi te divavew te wayig. Ne nengeandek dan nevenar!

Imperayag 10:2

Diyà te velad din ne migawed te reisek ne kelatas ne neverat en. Guna su nekerenà en sikandin ne ingiek din ke kewanan ne paa rin diyà te rahat, ne ke divaluy ne paa rin ne ingiek din diyà te tanà.

Imperayag 10:5

Dutun ne ini se suluhuen te Eleteala ne nekita ku ne ed-itindeg diyà te rahat wey tanà, ne migkayew te kewanan ne belad din.

Imperayag 10:8

Dutun ne midlalag maa ini se nerineg ku ne edlalag kediey diyà te langit. Ke sikandin te, “Pendiyà ka te suluhuen te Eleteala ne ed-itindeg diyà te rahat wey tanà ne kua nu arà se deisek ne kelatas ne egeweran din ne neverat en.”