Mateo 14:10 - Ke meupiya ne tudtul mekeatag ki Hisu Kristu

¹⁰ Ketà be ne mibpepungelan din en si Juan diyà te bilengguan.

Mateo 14:10 ပူးပေါင်းရင်းမြစ်များ

Mateo 14:11

Ne impetahù din en te pelatu ke ulu ni Juan ne mibpeneheneewit en ini ne imbehey en diyà te raha, ne imbehey en dema dut te raha diyà te iney rin.

Mateo 14:9

Nerineg dà ni Hirudis ne nekebmutu sikandin, ugaid ne tehaad te ingkepasad din en diyà te etuvangan te pinetelavuk din, ne impetuman din en ke mibuyù dut te raha.

Mateo 17:12

Ugaid ne igkahi ku keniyu te nekeuma en si Elias asal warà dan mekilala, ne nasì dan midrasey sikandin te endei se kiyug dan. Engketà ded dema te kedresaya ran dut te Impeanak te Menusiyà.”

Marcos 9:13

Ugaid ne igkahi ku keniyu te nekeuma en si Elias. Nasì dan midrasey sikandin te endei se kiyug dan iring dut te impesurat dengan ne Lalag te Eleteala mekeatag kandin.”

Lucas 9:9

Ugaid ne iyan migkahi ni Hirudis te, “Embiya si Juan, ne impepungel ku en ke ulu rin. Ugaid ne engkey ve etawa ini se egkehiyen dan?” Ketà ne mibpemengà ni Hirudis se ralan te kegkekita rin ki Hisus.

Imperayag 11:7

Ne ketà te kebpekeipus dut te deruwa ne ebpemesabut te Lalag te Eleteala, ne ruen ebpekibunù kandan ne mekeandek ne binatang ne egemew ketà te liyang ne ebpependiyà te diralem te tanà ne warà edtemanan te keralem din. Ne ini se mekeandek ne binatang se edtavan ne ed-imatey kandan.