Mateo 13:34 - Ke meupiya ne tudtul mekeatag ki Hisu Kristu

³⁴ Langun ini ne impesabut ni Hisus diyà te denda ne menge etew ne impepevayà din te sempità. Warà misan engkey en ne impemenudtul din kandan ke kenà impenempità din.

Mateo 13:34 ပူးပေါင်းရင်းမြစ်များ

Mateo 13:13

Tembù be ebpenurù a kandan ne ibpepevayà te sempità su apey ran mekesabut. Su edtengteng dan, ugaid ne kenà dan ebpekekita; ne ebpemineg dan, ugaid ne iring be te warà dan mekerineg.

Mateo 13:3

Ne merakel se impenurù din kandan ne impepevayà te sempità. “Ruen etew,” ke si Hisus, “ne mibpendiyà te pengengewiran din su edsawed te benì.

Juan 10:6

Ini ke insempità ni Hisus kandan, ugaid ne warà dan mesebuti ke meana rin.

Juan 16:25

“Ini se impesabut ku keniyu ne ralan te sempità,” ke si Hisus. “Ugaid ne ruen hewii ne egkeuma ne kenà ad ebpenempità su iyan ku kebpekidlalag keniyu mekeatag te Amey ku ne metidtu rà ne lalag.

Juan 16:29

Ketà ne migkahi ke edumdumaan ni Hisus te, “Kenà en sempità se lalag nu kenami guntaani su metidtu rà ke lalag nu guntaani.