Mateo 13:23 - Ke meupiya ne tudtul mekeatag ki Hisu Kristu

²³ Ne ke meupiya ne tanà ne neuluhan te benì, ne arà ke menge etew ne nekerineg te Lalag te Eleteala ne impetuneb dan te hinawa ran su nesebutan dan. Ne mibahas dan su ruen mibpengupiya nevenar se bahas din, ne ruen migkakey, ne ke ruma pà ne ruen ded neehani.”

Mateo 13:23 ပူးပေါင်းရင်းမြစ်များ

Mateo 12:33

“Upama ke iring te kayu,” ke si Hisus, “embiya meupiya se kegueyhuey rin ne kayu, ne kenà ebahas te meraatey. Ne engketà ded maa ke kayu ne ruen sakit din, ne kenà ebahas te meupiya. Ketà be ne egketuenan ta embiya meupiya ke kayu kayi te bahas din.

Mateo 13:8

Ugaid ne ruen ruma pà ne riyà nengeulug te meupiya ne tanà, ne midreteb ne meselinuvù se tuvù din, ne nekevahas te meupiya su ruen mibpengupiya nevenar se bahas din, ne ruen migkakey, ne ke ruma pà ne ruen ded neehani.

Mateo 3:10

Ne sikiyu ne iring te menge kayu ne kenà ebahas te meupiya, tembù be ebpilayen. Ne iring te nekekayew en ke adsa su ebpemilayen su idtimbag diyà te apuy.

Mateo 3:8

Embiya benar ne mid-engkeran niyu ke meraat ne ulaula niyu, ne ipekita niyu kayi te ulaula niyu.

Marcos 10:15

Sebenarvenar ini se egkehiyen ku, ke etew ne kenà edtelimà te Kedetui kandin te Eleteala iring te kedtelimà kayi te reisek ne vatà, ne kenà sikandin ebpekelusud dut te menge etew ne Edetuan te Eleteala,” ke si Hisus.

Marcos 4:20

Ugaid ne ke meupiya ne tanà ne neuluhan te benì ne arà ke menge etew ne nekerineg dut te Lalag te Eleteala, ne midtelimà dan, ne mibahas dan su ruen mibpengupiya nevenar se bahas din, ne ruen migkakey, ne ke ruma pà ne ruen ded neehani,” ke si Hisus.

Lucas 13:9

Ne embiya ebahas ded kayi te edtundug ne rahun ne meupiya. Ugaid ne embiya kenà ne arà pà ne ibpepiley nu en.’”

Lucas 8:15

Ne ke meupiya ne tanà ne neuluhan te benì, ne arà ke menge etew ne nekerineg te Lalag te Eleteala ne midtelimà dan ne warà dan midsanggel se ebperetiyaya. Ne mibpenemtemanan dan te edtuman taman te nekeuma ran te kebehas.”

Lucas 8:8

Duen ded dema insawed din ne riyà nengeulug te meupiya ne tanà ne midtuvù ini ne nekevahas te meupiya su mibpengupiya nevenar se bahas din.” Ne migkahi pà maa si Hisus te, “Itaan niyu ve ke telinga niyu kayi te nerineg niyu.”

Juan 15:16

Kenà sikiyu se mibpemilì kediey ugaid ne siaken se mibpemilì keniyu, ne midtendù ku sikiyu te ebpemenudtul dut te Meupiya ne Tudtul su apey kew mekepemehas te ulaula ne ebpekesuhat te hinawa te Eleteala su ebpekeperayun ke keupiya rin. Embiya iring ketà ne misan engkey ne ebuyuen niyu riyà te Amey ku ne Eleteala sabap dut te kebperetiyaya niyu kediey, ne ibehey rin keniyu.

Juan 8:47

Arà se etew ne benar ne anak te Eleteala ne ebpemineg te menge lalag te Eleteala. Ugaid ne sikiyu ne kenà din menge anak, tembù kenà kew ebpemineg.”

Nenged-ulaula 16:14

Ne seveka rutun te menge meritan ne ebpemineg te lalag dey ne ed-ingaranan ki Lydia ne riyà ebpuun te inged ne Tiyetira ne ebpemendehang te saput ne mehuridtem. Mibpengarap te Eleteala ini se meritan, tembù be imbehey rin te Kerenan ke hinawa rin te kedtelimà te ibpesabut ni Pablo.

Nenged-ulaula 17:11

Ne ke menge Hudiyanen ketà ne laus ne ebpemineg dan engki Pablo su sikandan ne kenà iring dut te menge Hudiyanen diyà te Tiselunika. Su egkeseveka ran ne mibpemineg dut te impesabut ni Pablo. Ne uman gewii ne ebesaan dan ke ingkesurat ne Lalag te Eleteala su apey ran egketueni ke benar iya ke impenurù dan.

2 Kurintu 9:10

Su iyan ebehey keyta te benì ne ibpemula ne Eleteala su apey ruen egkekaan ta. Sikandin ded ke ebehey keyta te sawad ne benì ne ibpetuvù din te meupiya su apey rekelà se egkesabpet ta sabap dut te ketidtu te ulaula ta te kedtavang ta te ruma ne menge etew.

Pilipus 1:11

Su ketà ne langun te ed-ul-ulaan niyu ne metidtu sabap dut te kedtavang ni Hisu Kristu keniyu, su sikandin dà se ebpekegaga te ked-ulaula niyu ketà. Ed-ul-ulaan din ini su apey egkereyù ke Eleteala wey egkeedatan sikandin.

Pilipus 4:17

Kenà iyan ku kineravit dut te tavang niyu kedì ne egnganey e pà lavew keniyu, ugaid ne iyan ku igkehalew dut te tavang niyu ne arà se idtendan te Eleteala ne ibehey keniyu riyà te surugà.

Kulasi 1:10

Ini se ibpengeningeni rey su apey kew ebpeketuman rut te kiyug te Eleteala wey langun ne ed-ul-ulaan niyu ne ebpekesuhat te hinawa rin. Ketà ne ini se meupiya ne ed-ul-ulaan niyu ne ed-iseg wey ke nesebutan niyu mekeatag te Eleteala ne egkeumanan.

Kulasi 1:6

Ini imbe se Meupiya ne Tudtul se ibpemenudtul en id-eneb kayi te ampew te dunya, ne langun ne etew ne ebperetiyaya ne egkevelvelewanan ke ulaula ran iring ded dema keniyu. Su nevelvelewanan ke ulaula niyu te nerineg niyu wey neheram niyu ke tavang te Eleteala keniyu.

1 Tiselunika 4:1

Na menge suled, ketà te keniyan key pà te keniyu ne impenurù dey en keniyu ke engkey se ulaula te ked-ubpà ne ebpekesuhat te hinawa te Eleteala, ne ini ne midumaan niyu en. Ne guntaani ne ebuyuen dey te umani niyu pà ke meupiya ne ulaula niyu su ini se migkahi keyta rut te Kerenan tew ne si Hisu Kristu.

Hibruhanen 4:2

Su sikitew rema, ne nerineg tew en ke Meupiya ne Tudtul iring dut te keep-epuan tew rengan. Ugaid ne misan nerineg dan arà, ne warà keupianan ne netelimà dan su matag dan pemineha ne warà dan peretiyayaa.

Hibruhanen 6:7

Ne langun tew ne menge etew ne ebpekeiring te tanà. Igkeupiani te Eleteala ke tanà ne edsenepan te uran ne ebmeames-ames ne meselinuvù te pinemula rin. Meupiya ke tanà ne iring ketà su ebpekegkeupiya rut te kemuney ketà.

Hibruhanen 8:10

Ugaid ne ini se behu ne pasad ku ne ebeelan ku keuremà dut te menge inenakan ni Israyil, ne ibpetahù ku ini se suhù ku te itungan dan ne ibpesurat ku ini te hinawa ran su apey ran egkerumai egenat te hinawa ran. Ne ketà be ne siak ke Eleteala ne edtewehan dan, ne sikandan ke menge etew ku.

2 Pedro 3:18

Na iyan meupiya ne edtentenuran tew ne ibpeiseg tew pà ini se neheraman tew ne penaub ni Hisu Kristu ke Kerenan tew ne mibpeliyu keytew su apey ini se nesebutan tew mekeatag dut te impesabut din ne ibpeiseg dema. Ne sikandin dema ke edeyuen ta guntaani wey taman te taman. Ini rà taman se surat ku. Pedro

1 Juan 5:20

Ne netuenan tew rema te ke Anak te Eleteala se mibpengkayi te ampew te dunya su ebperayag te itungan ta su apey egkeheraman te hinawa ta ke tidtu ne Eleteala. Ne mibpekidseveka ki en kandin ne iyan tidtu ne Eleteala su mibpekidseveka ki en dut te Anak din si Hisu Kristu. Sikandin ke tidtu ne Eleteala ne sikandin ke ebpuunan te umur ne warà edtemanan din.