Mateo 12:45 - Ke meupiya ne tudtul mekeatag ki Hisu Kristu

⁴⁵ Ne midlihawang pà sikandin su mid-ewit te pitu ne vusew ne tuwas pà kandin keraat, ne langun dan ne ketà dà mid-ubpà. Ne ini se egketemanan dut te etew ne muna pà se kepasang din dut te neuna. Engketà ded dema se egketemanan dut te menge meraat ne etew te guntaani en.”

Mateo 12:45 ပူးပေါင်းရင်းမြစ်များ

Mateo 12:24

Guna nerineg ini rut te menge Peresiyu ketà ne migkahi ran te, “Si Bilsibul ke unutan te menge vusew se mibehey kandin te gehem te kebpenegseg te menge vusew.”

Mateo 12:44

ne iyan egketahù te hinawa rin se, ‘Edliveran ku red ke mid-ubpaan ku.’ Nekeuma ini se busew, ne nekita rin te metilak en wey nekeulit en ke langun ketà te lusud.

Mateo 17:21

Migkahi maa si Hisus te, ‘Ayan ne vusew ne kenà egkesegseg embiya kenà kew ed-una ebpengeningeni wey edlimpas te egkaan.’]”

Mateo 23:15

“Mekeyruwiru kew ne menge meyterù te Penduan wey menge Peresiyu su edusaan kew te Eleteala! Uvag en kun ne eduma kew te kiyug te Eleteala! Medmeriyù se ed-ipanewan niyu te tanà wey edlayag kew te rahat su ed-eneb te penurù niyu apey ruen ebpekeperumaruma keniyu. Ne embiya ruen ebpekeperumaruma keniyu, ne nasì en be maa ne warà pelahuy rin te ebpekependiyà te apuy nerakà dut te sikiyu.

Mateo 23:24

Ne iring kew te pisek ne edtuyuk te pisek ded dema! Embiya idsempità ta ne iring te id-awà niyu ke rengit diyà te ed-inumen niyu kayi te betasan niyu te edtuman te kenà utew benar ne penurù te Penduan. Ugaid ne iring te ed-iveleng kew te dekelà ne binatang ne kemilu kayi te warà niyu kedtuman dut te didis en te Penduan.

Marcos 16:9

Guna su nevanew en si Hisus ne mesmeselem pà te hewii ne Akad, ne riyà mid-una mibpekita sikandin te ki Maria Magdalena. Ini ke meritan ne midsuukan te pitu ne vusew ne midsegseg ni Hisus dengan.

Marcos 5:9

Ketà ne mid-insaan ni Hisus ke meama te, “Engkey ma se ngaran nu?” Ne midtavak ke vusew te, “Iyan ku ngaran ne si Selasà su medmerakel dey,” ke sikandin.

Lucas 11:26

Ne midlihawang pà sikandin ne med-ewit te pitu ne vusew ne tuwas pà kandin keraat, ne langun dan ne ketà dà mid-ubpà. Ne ini se egketemanan ketà te etew ne muna pà se kepasang din dut te neuna.”

Ipisu 6:12

Su ke kunterà tew ne kenà etew, ugaid ne ke datù te pekaid wey ke sugsuhuen din ne menge busew wey ke ruma ne kenà egkekita abpeg ke ruen gehem din diyà te kewkewangan ne ed-ulaula te meraat. Su ruen kebayàbayà dan dut te menge etew kayi te ampew te dunya ne diyà pà ke itungan dan te kerusireman.

Hibruhanen 10:39

Ugaid ne sikitew ne kenà iring ketà se ulaula tew, su kenà kiyu en ed-iring dut te menge etew ne mid-engked ke kebperetiyaya ran ne edusaan te Eleteala. Su mevaher se kegawed tew te kebperetiyaya tew ne ketà be ne ebpekeliyu kiyu.