Mateo 12:34 - Ke meupiya ne tudtul mekeatag ki Hisu Kristu

³⁴ Engketà ded dema te sikiyu. Iring kew te menge uled ne ebpekekaid, ne warà meupiya ne egkekahi niyu geina te memeraatey ini se netahù te hinawa niyu. Su piya engkey se intahù te etew te hinawa rin, ne ini se egemew te bèbà din.

Mateo 12:34 ပူးပေါင်းရင်းမြစ်များ

Mateo 12:35

Su ke etew ne meupiya se ulaula rin, ne meupiya rema se kedlalag din su meupiya se intahù te hinawa rin. Ugaid ke etew ne meraatey se ulaula rin, ne meraatey rema se kedlalag din su iyan din intahù te hinawa rin ne meraatey.

Mateo 15:18

Ugaid iyan ebpekeredsik te etew ne ini se netahù te hinawa rin ne ebpekelihawang te bèbà din.

Mateo 23:33

“Iring kew te pispis te uled! Ebmemenu kew te ed-elihu te kedusa keniyu diyà te apuy nerakà?

Mateo 3:7

Guna su nekita ni Juan ke merakel ne Peresiyu wey Sadusiyu ne mibpengkayi su ebpebunyag ne migkehiyan din sikandan te, “Iring kew te menge uled ne ebpelahuy dut te apuy! Mehaan en egkeuma ke kedusa te Eleteala keniyu. Engkey se midtarem keniyu te ebpekeliyu kew ketà te ebpebunyag kew?

Lucas 3:7

Migkuludkulud ma se menge etew ne mibpengkayi te ki Juan su ebpemebunyag. Migkehiyan din sikandan te, “Iring kew te menge uled ne ebpelahuy dut te apuy! Mehaan en egkeuma ke kedusa te Eleteala keniyu. Engkey se midtarem keniyu te ebpekeliyu kew ketà ke ebpebunyag kew?

Lucas 6:45

Ne engketà ded dema se menge etew,” ke si Hisus, “su ke etew ne meupiya se ulaula rin, ne meupiya rema se kedlalag din su meupiya se intahù te hinawa rin. Ugaid ke etew ne mereatey se ulaula rin, ne mereatey rema se kedlalag din su iyan din intahù te hinawa rin ne mereatey. Su piya engkey se intahù te etew te hinawa rin ne ini se egemew te bèbà din.”

Juan 8:44

Su ke datù ma te pekaid se amey niyu ne iyan niyu edumaan ke kandin ne kiyug. Terebunù sikandin te aney en, ne edsungkanger dut te benar su iyan dè ma nekepenù te bèbà din ne tarù. Embiya edlalag sikandin ne tarù su edumaan din ke kandin ne kiyug, su teruen ma sikandin ne apù sikandin te tarù.

Ipisu 4:29

Wey kenà kew rema edlalag te meraat su iyan niyu rà leleha se ebpeketavang dut te ebpemineg su apey egkevaher wey ebpeketuntul ke itungan dan dut te lalag niyu.

Ipisu 5:4

Kenà dema edait te sikiyu ne meredsik se kebpemèbà din, etawa edlalag te warà rantek din, etawa edwalìwalì te temperasà. Ugaid ne iyan niyu rà leleha ke lalag ne ebpekereyù te Eleteala.

Santiago 3:2

Na sikitew ne menge etew, merakel se ibpevayà te kegkesayep tew su layun ki ed-ulaula te meraat wey ebpengahikahi te meraat. Ugaid ne embiya ruen etew ne kenà egkesayep se kebpengahikahi rin ne warè en idsawey kandin su metau en sikandin ne ed-erangan te langun ne ed-ul-ulaan din.

1 Juan 3:10

Tembù be egketuusan ke menge etew ne midubpù te Amey ran ne Eleteala wey ke menge etew ne anak ded ni Setanas. Su ke etew ne kenà ed-ulaula te metidtu wey warà limù din te menge ruma rin, ne kenà sikandin ke anak te Eleteala.