Mateo 12:20 - Ke meupiya ne tudtul mekeatag ki Hisu Kristu

²⁰ Embiya idsempità ta ke ulaula rin kayi te menusiyà, ne kenà din ebedtien en ke etew ne iring te subpang ne migerì en, ne edtulengeran din ke etew ne iring te ebmelatmelat ne sulù ke sarig din, ne kenà ed-engked ke tavang din taman te egketalew rin langun ne kenà metidtu.

Mateo 12:20 ပူးပေါင်းရင်းမြစ်များ

Mateo 11:28

“Pengkayi kew te kediey,” ke si Hisus, “langun niyu ne nengeluhat wey nengevehatan, su ebpeimelayen ku sikiyu.

Mateo 11:7

Guna su nekehenat en ke menge edumdumaan ni Juan, ne midlalag en si Hisus mekeatag ki Juan diyà te denda ne menge etew ne nevurun, ke sikandin te, “Ketà te kinependiyà niyu te ki Juan diyà te tanà ne kenà egkeubpaan te menge etew, ne engkey se mibpenareng niyu? Maa, ebpenareng kew te ebpekekita kew te etew ne iring te karan ne edsemsemberen te keramag?

Lucas 4:18

“Ke Kedesenan ne Ebpetuntul te Menusiyà ne riyà ebpuun te Kerenan ne Eleteala ne midlumun en kediey, ne mibpemilì a te Kerenan ne Eleteala su apey ku ibpesabut dut te menge etew ne ayuayu ke Meupiya ne Tudtul. Ne mibpeveyaan din kedì apey ku mepenudtuli te egkevelukasan ke menge etew ne nevakù ni Setanas; ne ebpengeulian ke menge pisek su apey ran ebpekekita; ne ebpelihawang dut te menge edtekutaken.

2 Kurintu 2:14

Ne misan pà nekebmutu ke hinawa ku ketà, ne dekelà se kinereyù ku te Eleteala. Su netuenan ku ne neseveka kiyu riyà te ki Hisu Kristu ne iring be ketà ne kenà iyan ku edumaan ke kiyug te kememenusiyai su ke kiyug te Eleteala ke edtumanen ku. Su ke Eleteala se ebpetuntul keytew su apey piya endei ki ebpesinaru su ebpesabut te Meupiya ne Tudtul, ne iyan mibperehiran te Eleteala keytew te ebpeeneb dut te Meupiya ne Tudtul ne iring te periyemut ne egkearek dut te menge etew.

2 Kurintu 2:7

Na gunteani ve ne pesaharan niyu en sikandin wey up-upiani niyu sikandin te ebpehayuk su apey ke sarig din te Eleteala ne kenà egkeawà.

Imperayag 6:2

Ne nekita ku te ruen meputì ne kudà ne migemew ne ini se ed-untud dutun ne migawed te panà. Ne ruen mibehey kandin te seluluy ne impeipanew rin en su ebpekibunù dut te menge kunterà din diyà te ampew te dunya ne edtavan sikandin.