Mateo 12:17 - Ke meupiya ne tudtul mekeatag ki Hisu Kristu

¹⁷ Iyan din kinekahi kayi su apey metuman ke impesurat te Lalag te Eleteala ne impekahi ki Isayas te,

Mateo 12:17 ပူးပေါင်းရင်းမြစ်များ

Mateo 12:16

ugaid ne mibenduan ni Hisus sikandan te kenà dan peketueni te ruma ne etew ini se mid-ulaula rin.

Mateo 12:18

“Ini ke sugsuhuen ku ne mibpemilì ku, sikandin ke igkelimù ku, ne ebpekesuhat sikandin te hinawa ku. Ebpelumunan ku sikandin dut te Kedesenan ne Ebpetuntul te Menusiyà, ne ini se metidtu ne kukuman ku ne ibpesabut din diyà te langun ne menusiyà.

Mateo 13:35

Mid-ulaula rin ini su apey metuman ke impesurat ne Lalag te Eleteala dut te ebpelambas te lalag din rengan ne egkahi te, “Ebpenurù a kandan te kayi ibpepevayà te menge sempità; ibpenudtul ku kandan arà se warà pà mepayahi igenat dut te kinelimbaha kayi te kelibutan.”

Mateo 21:4

Ne ned-ulaula ini su apey metuman ke impesurat te Eleteala dut te senge etew ne mibpelambas te lalag din rengan ne egkahi te,

Mateo 8:17

Mid-ulaula rin ini su apey metuman ke impesurat ki Isayas ne ebpelambas te Lalag te Eleteala rengan se egkahi te, “Sikandin en iya ke nekeulì te daru tew, ne nekeawà te menge sakit tew.”

Lucas 21:22

Su arà en ke hewii ne edusaan te Eleteala ke menge etew ne egkunterà kandin, ne langun te nekahi rin kayi te impesurat ne Lalag te Eleteala rengan ne egketuman en.

Lucas 24:44

Ne migkahi si Hisus kandan te, “Pehaney te kayi e pà te keniyu ne ini iya ke migkahi ku keniyu: Langun te impesurat mekeatag kediey ketà te penduan ni Moises wey ke impesurat te menge mibpelambas te Lalag te Eleteala wey arà se insurat ketà te riberù ne ed-ingaranan te Salmu ne langun din ne metuman iya kayi te kedì. Na guntaani ne netuman en arà kayi te netemanan ku.”

Juan 10:35

Netuenan tew,” ke si Hisus, “ke impesurat ne Lalag te Eleteala ne benar ne warà kegkesembii rin taman te taman su migkahi rin te imperagid dan te Eleteala ke menge keep-epuan tew ne mibehayan din dut te lalag din.

Juan 12:38

su apey egketuman en ke migkahi ni Isayas ke ebpelambas te lalag te Eleteala rengan ne egkahi te, “Eleteala, warà utew mibperetiyaya te impesabut dey! Warà utew midsabut rut te gehem ne impekita nu kandan!”

Juan 19:28

Ketà ne netuenan ni Hisus te langun ne insuhù kandin ne nepasad din en ne migkahi en sikandin te, “Ebpekeinum a.” Migkahi rin ini su apey egketuman ke impesurat ne Lalag te Eleteala rengan.

Nenged-ulaula 13:27

Su ke menge etew riyà te Hirusalim wey misan ke egkeunutan dan ne warà dan metueni te iyan bes ebpekepeliyu kenitew ne si Hisus. Ne warà dan mesebuti ke menge lalag ne ingkesurat dut te menge ebpelambas te Lalag te Eleteala rengan, misan uman Hewii te Id-imeley ne egkerineg dan te kebesaa diyà te menge baley ne ebpengedian dan te penduan dan. Ugaid ne misan iring ketà te warà dan mesebuti ini, ne netuman dan arà se ingkesurat dut te menge ebpelambas te Lalag te Eleteala rengan ketà te in-isuhat dan ne kewagib te ebpeimetayan dan si Hisus.