Mateo 11:13 - Ke meupiya ne tudtul mekeatag ki Hisu Kristu

¹³ Su ini se Edetuan te Eleteala ne impesabut dengan dut te langun ne ebpelambas te Lalag te Eleteala wey riyà te penduan ni Moises taman te hewii ne migemew en si Juan.

Mateo 11:13 ပူးပေါင်းရင်းမြစ်များ

Mateo 11:12

Igenat dut te kebpesabut ni Juan taman guntaani ne mibpekepesangan ini se menge Edetuan te Eleteala riyà te langit, ne ruen menge etew ne edtehel ed-ahew te Kedatù.

Mateo 11:14

Ne impesabut dan dema te edlived ded si Elias, senge etew ne ebpelambas te Lalag te Eleteala rengan. Ne embiya egkiyug kew ne ebperetiyaya dut te impesabut dan, ne si Juan ne si Elias ded.

Lucas 24:27

Ketà ne midseysey en ni Hisus kandan ke meana rut te langun ne impesurat te mibpelambas te Lalag te Eleteala rengan mekeatag kandin. Kayi rin imperudsù te impesurat ki Moises taman en dut te mewri ne mibpelambas te Lalag te Eleteala.

Lucas 24:44

Ne migkahi si Hisus kandan te, “Pehaney te kayi e pà te keniyu ne ini iya ke migkahi ku keniyu: Langun te impesurat mekeatag kediey ketà te penduan ni Moises wey ke impesurat te menge mibpelambas te Lalag te Eleteala wey arà se insurat ketà te riberù ne ed-ingaranan te Salmu ne langun din ne metuman iya kayi te kedì. Na guntaani ne netuman en arà kayi te netemanan ku.”

Nenged-ulaula 13:27

Su ke menge etew riyà te Hirusalim wey misan ke egkeunutan dan ne warà dan metueni te iyan bes ebpekepeliyu kenitew ne si Hisus. Ne warà dan mesebuti ke menge lalag ne ingkesurat dut te menge ebpelambas te Lalag te Eleteala rengan, misan uman Hewii te Id-imeley ne egkerineg dan te kebesaa diyà te menge baley ne ebpengedian dan te penduan dan. Ugaid ne misan iring ketà te warà dan mesebuti ini, ne netuman dan arà se ingkesurat dut te menge ebpelambas te Lalag te Eleteala rengan ketà te in-isuhat dan ne kewagib te ebpeimetayan dan si Hisus.

Ruma 3:21

Ugaid ne guntaani ne impayag en te Eleteala te kegkesebuti tew te ralan te kebmetidtu tew riyà te etuvangan din. Ne ini ne kenà kayi ebpuun dut te kedumai tew te penduan ni Moises, misan duen nekahi te Eleteala mekeatag te ini riyà te penduan wey riyà te impesurat din dut te menge etew ne ebpelembas te Lalag din.