Mateo 10:27 - Ke meupiya ne tudtul mekeatag ki Hisu Kristu

²⁷ Ini se ingkahi ku keniyu te merusirem, ne ipenudtul niyu en diyà te kerayahan. Ne ini se lalag ku ne sikiyu rà se nekerineg, ne ibpesabut niyu riyà te langun ne menge etew.

Mateo 10:27 ပူးပေါင်းရင်းမြစ်များ

Mateo 24:17

Ne ke etew ne riyà te ruwangen te valey rin ne kenà din en lilingaya ke keleglahan din su mebpelahuy en sikandin.

Lucas 12:3

Langun ne impeleglelahey niyu te merusirem ne igkepayag ded te meandew. Ne misan engkey se impevutbutehey niyu te sikiyu rà ne egkevukayat ded diyà te kerekelan te etew.”

Lucas 8:10

Ne migkahi si Hisus kandan te, “Sikiyu en imbe se ebpesebuten te Eleteala rut te warà din pà impayag te piya engkey ne etew mekeatag dut te kedatù din te menge etew. Ugaid ke ruma ne menge etew ne ibpepevayà te sempità su apey, misan edtengteng dan, ne kenà dan ebpekekita; ne misan egkerineg dan, ne kenà dan egkesebutan ke meana rin.”

Juan 16:1

“Langun kayi ne migkahi ku keniyu,” ke si Hisus, “su apey kew kenà edsuwey kedì ketà te hewii ne egked-ulaula ini.

Juan 16:13

Ugaid ne ketà te kebpekeuma dut te Kedesenan ne Ebpetuntul te Menusiyà kayi te keniyu, ne sikandin en ke ebpetuntul keniyu te langun ne benar. Ne ini se ibpesabut din ne kenà kayi rà te kandin ne itungan, ugaid ne iyan din ibpesabut ne endei rà ke nerineg din diyà te Amey ku ne Eleteala. Ne ibpesabut din ded lavew keniyu ke egked-ulaula ne ebpelingguma,” ke si Hisus.

Juan 16:25

“Ini se impesabut ku keniyu ne ralan te sempità,” ke si Hisus. “Ugaid ne ruen hewii ne egkeuma ne kenà ad ebpenempità su iyan ku kebpekidlalag keniyu mekeatag te Amey ku ne metidtu rà ne lalag.

Juan 16:29

Ketà ne migkahi ke edumdumaan ni Hisus te, “Kenà en sempità se lalag nu kenami guntaani su metidtu rà ke lalag nu guntaani.

Nenged-ulaula 17:17

Tembù be mibpendiyà te baley ne ebpengedian te menge Hudiyanen te penduan dan ne mibpekidlalag si Pablo dut te menge Hudiyanen wey ke kenà menge Hudiyanen ne mibpengarap te Eleteala ketà. Ne uman gewii ne mibpendiyà te pedian dema se ebpekidlalag dut te piya engkey ne etew ne edsahad ketà.

Nenged-ulaula 5:20

“Pendiyà kew te Nekebpuru ne Valey te Eleteala ne pesebuti niyu dut te langun ne menge etew mekeatag dut te ini se umur ne behu ne riyà ebpuun te ki Hisus.”

Nenged-ulaula 5:28

“Imbaag dey en keniyu neraan,” ke sikandin, “te kenà niyu en ipenurù ke mekeatag te ngaran kayi te etew ini ne edumaan niyu. Ugaid ne intey niyu ve ini se mid-ulaula niyu! Su ini se impenurù niyu ne nekeeneb en kayi te lusud te Hirusalim. Ne kenà ini rà se mid-ulaula niyu su iyan key egkesenditan te kineimetayi kayi te etew ne edumaan niyu.”

2 Kurintu 3:12

Geina te rekelà te hinawa rey se kedsarig dey dut te behu ne pasad ne warà kegkeawà din, ne kenà dey igkeandek se kebpemesabut dey rut te Meupiya ne Tudtul mekeatag ki Hisus.