Mateo 10:22 - Ke meupiya ne tudtul mekeatag ki Hisu Kristu

²² Ne egkunteraan kew te langun su atag te keduma niyu kediey, ugaid ne ke etew ne kenà edsuwey te keduma rin kediey taman te kayi pà sikandin te ampew te dunya ne ebpekehaked te umur ne kenà edtaman.

Mateo 10:22 ပူးပေါင်းရင်းမြစ်များ

Mateo 10:39

Su ke etew ne egkenuhun te umur din, ne ebpatey lavew. Ugaid ke etew ne iyan din ibpatey se keduma rin kediey te kebpemesabut dut te Meupiya ne Tudtul, ne ruen umur ne ibehey kandin ne warà edtemanan din.”

Mateo 24:13

Ugaid ke etew ne misan egkerasey en sikandin ne kenà edsuwey dut te keduma rin kediey taman te ini pà sikandin te ampew te dunya, ne ebpekehaked te umur ne warà edtemanan din.

Mateo 24:9

“Egkeepesan kew te langun ne menusiyà su atag te keduma niyu kediey. Ebpenigkemen kew ne ibpalad kew riyà te ruen ketengdanen din ne edresayen kew nikandan wey ruen pà ebpengimetayan.

Mateo 5:11

Dayirayi kew ke ebpenempelaen kew, wey ebpekesekitan kew, wey edtevuan kew te langun ne edsusunan te mereatey ne ulaula su sabap te keduma niyu kediey.

Marcos 13:13

Ne egkeepesan kew dut te langun ne menge etew su atag te keduma niyu kediey. Ugaid ke etew ne misan egkerasey sikandin ne kenà edsuwey dut te keduma rin kediey taman te ini pà sikandin te ampew te dunya, ne ebpekehaked te umur ne kenà edtaman.”

Lucas 21:17

Egkunteraan kew dut te langun su atag te edumdumaan ku sikiyu.

Lucas 21:19

Itindehi niyu ve te mevaher ke sarig niyu kediey su kayi kew ve ebpekeangkun te umur ne kenà edtaman.”

Lucas 6:22

Dayirayi kew ke egkeepesan kew te menge etew ne kenà kew nikandan edsehipaan, ne ebpenempelaen kew, wey egkahi ran te mereatey kew su kayi egenat dut te keduma niyu ke Impeanak te Menusiyà.”

Lucas 8:15

Ne ke meupiya ne tanà ne neuluhan te benì, ne arà ke menge etew ne nekerineg te Lalag te Eleteala ne midtelimà dan ne warà dan midsanggel se ebperetiyaya. Ne mibpenemtemanan dan te edtuman taman te nekeuma ran te kebehas.”

Juan 17:14

Su langun ne menge lalag nu ne impesabut ku en kandan, ugaid ne ingkeepesi ran dut te menge etew kayi te ampew te dunya ne migkunterà keykew su geina te mibpekidsuwey ran dut te menge kunterà nu, iring te siaken ne warà a mebpekid-amur te menge kunterà nu.

Juan 7:7

Su kenà ma egkeepes keniyu ke menge etew ne egkunterà te Eleteala, ugaid ne egkeepes dan kedì su layun a edsawey kandan dut te meraat ne ulaula ran.

Nenged-ulaula 9:16

Ne ibpekita ku kandin langun ne kegkerasey rin su atag dut te keduma rin kediey.”

Ruma 2:7

Ruen menge etew ne iyan dan ebpeisehen ne ke meupiya ne ed-ul-ulaan, su iyan netahù te itungan dan ne egkeuma ke hewii ne ebpekelusud dan en diyà te ed-ubpaan te Eleteala ne kenà igkeupama se keupiya rin. Ne ketà dan egkekita se nekesuhat dan te hinawa te Eleteala, ne riyà dan en ebpekeubpà taman te taman. Su ketà dan en egketelimà ke umur dan ne warà edtemanan din.

2 Kurintu 4:11

Su uman gewii ne kenà egkeawà kayi te kenami ke kedtiviltivil te umur dey su mekeatag te kebpemesabut dey kayi te Meupiya ne Tudtul mekeatag ki Hisus. Ned-ulaula ini su apey ke gehem ni Hisu Kristu ne egkekita te kedselelangi rin te umur dey te misan etew rà ne warà gehem din.

Gelasiya 6:9

Tembù be kenà kiyu egkeuvir ne ed-ulaula te meupiya, su embiya kenà ki egkeuvir ne ruen hewii ne ebpekeuma ne ruen lalew ta.

Hibruhanen 3:14

Su embiya egewaran tew te mevaher ini se sarig tew te behu ki pà mebperetiyaya ki Hisus taman te ketepusan, ne ebpekeruma ki kandin dut te langun ne imbehey kandin te Amey rin.

Hibruhanen 6:11

Ne iyan ku kiyug ne langun niyu ne ebpenamar te ed-ulaula kayi se taman te kedlived ni Hisus su apey niyu egketelimà ke ebpenerengen niyu riyà te Eleteala.

Santiago 1:12

Na ke etew ne misan ebpekeanuyanuy te kemerehenan ne eduma red lavew te Eleteala, ne sikandin ne ruen kehelawan din. Su netuenan din se egkeipus ke kedtigker din te kemerehenan, ne ebpeketelimà te lalew rin ne arà se umur ne warà edtemanan din ne impasad dengan te Eleteala dut te langun ne egkelimù kandin.

1 Juan 3:13

Tembù be menge suled, kenà kew meinuinu embiya ebpekidkunterà keniyu ini se menge etew kayi te ampew te dunya ne warà pà mibperetiyaya.

Imperayag 2:10

Kenà kew meandek dut te keresayan ne mehaan en ne ebpekeuma keniyu. Ugaid ne pemineha niyu ini se egkehiyen ku su ruen keniyan te keniyu ne ebilengguen dut te datù te pekaid su ebpenggeraman din ke kebperetiyaya niyu, ne edresayen kew te mehaan iring te menge sepulù ne hewii. Ugaid ne kenà kew edlekà te kebperetiyaya niyu kediey misan ibpatey niyu pà su ruen lalew ne ibehey keniyu ne umur ne warà edtemanan din.

Imperayag 2:17

“Itaan niyu ke telinga niyu ne pemineha niyu ini se egkehiyen dut te Kedesenan ne Ebpetuntul te Menusiyà diyà te langun niyu ne mibperetiyaya. “Piya engkey ne etew ne kenà egkegaga dut te penggeram te datù te pekaid, ne ebehayan ku te egkeenen diyà te langit ne warà pà mekita te menge etew. Ne ebehayan ku rema sikandin te meputì ne batu ne insurat dutun ke behu ne ngaran din ne iyan dà netau ne ke ebehayan.”

Imperayag 2:26

Ne piya engkey ne etew ne kenà egkegaga dut te penggeram te datù te pekaid ugaid ne edumaan din ke kiyug ku taman te kepatey, ne arà se etew ne ebehayan ku te gehem iring dut te gehem ne imbehey kediey dut te Amey ku ne Eleteala su ebehayan ku sikandan te kebayàbayà te edatù dut te langun ne inged kayi te ampew te dunya. Ne ke kebayàbayà dan ne mevaher iring te kevaher dut te putew ne kenà egketamped. Uya kayi te kedtevani ran dut te menge inged ne edrupeten dan iring te kuren.

Imperayag 2:3

Netuenan ku te midtigkeran te hinawa niyu ke keresayan ne mibpekesekitan kew su atag dut te kebperetiyaya niyu kediey, ne misan iring ketà ne warà niyu engkeri ke kebperetiyaya niyu wey keduma niyu kediey.

Imperayag 2:7

“‘Itaan niyu ke telinga niyu ne pemineha niyu ini se egkehiyen dut te Kedesenan ne Ebpetuntul te Menusiyà diyà te langun niyu ne mibperetiyaya. Piya engkey ne etew ne kenà egkegaga dut te penggeram te datù te pekaid, ne edtuhutan ku ne ebpekekaan dut te bahas te kayu ne ebpuunan te umur ne warà edtemanan din ne impemula ketà te ed-ubpaan te Eleteala.’”

Imperayag 3:21

“‘Ne piya engkey ne etew ne kenà egkegaga dut te penggeram te datù te pekaid ne ebpepinuuwen ku kayi te uvey ku ketà te edetuan ku su ed-amung kedì te edatù. Iring dema kediey te warà a megaga te penggeram te datù te pekaid ne mibpepinuu a diyà te uvey te Amey ku ne Eleteala su ed-amung a te edetuan din.