Mateo 10:20 - Ke meupiya ne tudtul mekeatag ki Hisu Kristu

²⁰ Su iyan niyu egkekahi ne kenà keniyu ne lalag, ugaid ne lalag ne riyà ebpuun te Kedesenan ne Ebpetuntul te Menusiyà ne midsuhù te Amey tew ne Eleteala.

Mateo 10:20 ပူးပေါင်းရင်းမြစ်များ

Mateo 6:32

(Su ini imbe ke layun intahù te hinawa rut te menge etew ne kenà ebperetiyaya te Eleteala.) Ugaid ne sikiyu, ne kenà kew meuru su netuenan dut te Amey niyu ne Eleteala ke engkey se kurang niyu.

Marcos 12:36

Su mid-ulinan te Kedesenan ne Ebpetuntul te Menusiyà si David ne impesurat din te, ‘Migkahi ke Eleteala ketà te Kerenan ku te: Kayi ka pinuu te rapit te egkekewanan ku taman te ebpenggiekan ku ke menge kunterà nu.’”

Lucas 11:13

Sikiyu ne menusiyà ne kenà metidtu ne metau kew ne ebehey te meupiya riyà te anak niyu, na iyan pè be ke Amey niyu ne Eleteala riyà te langit kenà mebehey keykew te kedlumun dut te Kedesenan ne Ebpetuntul te Menusiyà embiya ebpembuyù kew riyà te kandin.”

Lucas 12:12

Su iyan ebpenurù keniyu gewii niyu ketà ne ke Kedesenan ne Ebpetuntul te Menusiyà su ebpeketahù te hinawa niyu ke engkey se ibpekahi rin.”

Lucas 21:15

Su siaken dà se ebpekahi keniyu ne ebehayan ku sikiyu te ketampas te itungan su apey ke menge kunterà niyu ne kenà ebpeketavak ne kenà dan egkeliyu ke benar ne egkelalag niyu.

Nenged-ulaula 13:9

Ne si Saulo, ne ed-ingaranan dema ki Pablo, ne midlumunan dut te Kedesenan ne Ebpetuntul te Menusiyà ne midtengtengan din arà se metau te malik mata

Nenged-ulaula 2:4

Ne mid-lumun kandan ke Kedesenan ne Ebpetuntul te Menusiyà ne nekelalag dan te menge kinehiyan ne kenà dan egketuenan ibpepevayà dut te gehem te Kedesenan ne Ebpetuntul te Menusiyà ne mibpelalag kandan.

Nenged-ulaula 28:25

Ketà ne mibpesusuweyey ran su warà meked-ayun ke itungan dan. Ugaid ne te warà den pà med-awà ne migkahi maa si Pablo te, “Benar iya ke migkahi rut te Kedesenan ne Ebpetuntul te Menusiyà ne impesurat dut te senge etew ne ebpelambas te Lalag te Eleteala rengan ne si Isayas.

Nenged-ulaula 4:8

Ne midlumun ki Pedro ke Kedesenan ne Ebpetuntul te Menusiyà ne midtavak se egkahi te, “Sikiyu ne menge egkeunutan dey wey menge pekilukesen dey,

Nenged-ulaula 6:10

Ugaid ne mibehayan si Esteban te ketau dut te Kedesenan ne Ebpetuntul te Menusiyà, tembù be warà mekeatu ke ebpekidlawan kandin.

2 Kurintu 13:3

Geina te iyan niyu kiyug ne ruen tuus te si Hisu Kristu ke midsuhù kedì, ne ibpekita ku keniyu ke kewayà ku embiya ruen en ebpedselaan ku. Su si Hisu Kristu ne eduma kedì ne warà keluvey rin te edusa te etew ne nekedsalà su dekelà se gehem din.

1 Tiselunika 2:13

Ne egkehiyen ku maa te layun dey ebpeselemati te Eleteala te midtelimà kew te Lalag din. Su ketà te kebpesabut ku kayi riyà te keniyu ne warà niyu kehiya te lalag ini ne mibèbeelan dà te etew, ugaid ne mibpemineg kew ne midtelimà kew te ini ne Lalag iya te Eleteala. Su ini se Lalag din, ne ruen gehem din te edtavang te menge mibperetiyaya su apey ran ed-ul-ulaa ke engkey se metidtu.

1 Pedro 1:12

Ne mibpeketuenan dema te Eleteala dut te menge ebpelambas te lalag din te ini se egked-ulaula ne kenà egketuman dut te hewii ran pà, ugaid ne kayi te sikitew en guntaani ne egketuman ini. Ne benar arà. Su ini se nekahi ran neraan ne ini se Meupiya ne Tudtul ne impesabut en diyà te keniyu dut te ini se ebpemenurù keniyu guntaan. Ne ke Kedesenan ne Ebpetuntul te Menusiyà ne impepengkayi te Eleteala egenat te langit se ebpesabut kandan te ini se ibpemenurù dan. Ne misan ke menge suluhuen te Eleteala riyà te langit ne egkiyug dan ne egkesebutan ini.

2 Pedro 1:21

Su ini se Lalag te Eleteala ne impesurat dut te ebpelambas te Lalag te Eleteala rengan ne kenà ebpuun diyà te itungan den dà dè duen su ke Kedesenan ne Ebpetuntul te Menusiyà se mibpesabut kandan ke engkey se idsurat dan.