Marcos 7:7 - Ke meupiya ne tudtul mekeatag ki Hisu Kristu

⁷ Warà ded be lalew rin se kebpengarap dan kediey, su ke impenurù dan ne mibèbeelan dà te etew, ugaid ne iyan dan migkahi ne kayi ini ebpuun te penduan ku,’ ” ke se impesurat ki Isaias.

Marcos 7:7 ပူးပေါင်းရင်းမြစ်များ

Mateo 15:9

Warà ded be lalew rin se kebpengarap dan kediey, su ke ibpenurù dan ne mibèbeelan dà te etew, ugaid ne egkehiyen dan ne kayi ebpuun te penduan ku.’ ”

Mateo 6:7

“Ne kayi te kebpengeningeni niyu,” ke si Hisus, “ne kenà niyu edlumlumbayi ke pengeningeni niyu iring dut te menge etew ne kenà ebperetiyaya te Eleteala. Su iyan dan kunaan ke ebpeminehen te Eleteala ke pengeningeni ran ke ebpekelayaten dan.

1 Kurintu 15:14

Ne embiya warà mevanew si Hisus te kinepatey rin, ne warà pantag din te kebpemesabut dey keniyu wey warà ded lavew pantag din ke kebperetiyaya niyu.

1 Kurintu 15:58

Engketà be arà menge suled ne rekelà te hinawa ku, ne itindehi niyu te mevaher ke kebperetiyaya niyu dut te Kerenan tew ne si Hisu Kristu ne kenà niyu perina ke itungan niyu misan duen penggeram ne ebpekeuma kayi te keniyu. Ne pegelepi niyu te edtuman ke kiyug din su netuenan tew te ruen keupiya rin ke langun ne ed-ul-ulaan tew diyà te kandin.

Kulasi 2:22

Ayan ne pemelii ne mibèbeelan dà te etew. Su iyan benar, ne upama ke egkeenen wey inumen ne warà atag te liiyen. Su imbehey te Eleteala ne ibpekaan wey ibpeinum din kenitew ne embiya egkeamin en ne warè en.

Tito 3:9

Ugaid ne kenà ka ed-amung-amung dut te ibpelewlewaney ne warà rantek din wey layab ne menge guhud te kepuunpuun. Ne kenà ka ebpemekid-ubpu dut te kenà ebpemekedsuhatey ne lalag wey ke ibpelewlewaney te menge etew mekeatag te penduan ne intahak ki Moises rengan. Ini ne kenà ebpeketavang su warà en iya rantek din!

Santiago 1:26

Na embiya ruen etew ne egkahi te eduma te Eleteala ugaid ne kenà ed-uram te kedlalaglalag din, ne warà atag din se kinekahi rin te eduma te Eleteala su nelimbungan din ke hinawa rin.

Santiago 2:20

Kenà metau ne ebpegitung ke etew ne edlalag te iring ketà! Ebpesebutan ku pè be sikiyu kayi te kebperetiyaya ta, embiya kenà egkekita ibpepevayà te ulaula ne meupiya, ne warà rantek din ke peretiyaya ta.

Imperayag 22:18

Siaken si Juan ne ruen ibpetiraan ku te langun niyu ne nekerineg kayi te imperayag kediey ne impesabut ku kayi te riberù ini. Embiya ruen etew ne ed-uman te lalag kayi, ne ed-umanan dema te Eleteala te kedusaa kandin kayi te keresayan ne impesabut ku kayi te riberù ini.