Marcos 6:37 - Ke meupiya ne tudtul mekeatag ki Hisu Kristu

³⁷ Ugaid ne migkehiyan dan ni Hisus te, “Sikiyu se ebpekaan kandan.” Ne migkahi ran te, “Maa, sikami pè be se ebpepemasaan nu te ibpekaan kandan? Misan buwa duen kureta tew ne ed-elehà te deruwa nehatus ne denariyu ne ibpemasa te egkekaan, ne kurang pà.”

Marcos 6:37 ပူးပေါင်းရင်းမြစ်များ

Mateo 14:16

Ne migkehiyan dan ni Hisus te, “Kenà dan en ebpeipanewen,” ke sikandin, “su sikiyu se ebpekaan kandan.”

Mateo 18:28

“Guna su mid-ipanew en ini se edsugsuhuen ne nesinuhung din en ke ruma rin te edsugsuhuen ne nekeutang kandin te deisek dà. Ne migeweran din en su ebpekelen din en se egkahi te, ‘Beyari nu en ke utang nu kediey!’

Marcos 6:36

Iyan tumù ne ibpeipanew nu en ini se merakel ne etew su apey ran ebpekependiyà te endei se ruen menge valey rin ne ebpekepemasa ran te egkekaan dan.”

Marcos 6:38

Ne migkahi en si Hisus te, “Engkey ma taman se kerakel te lutù tew? Intengi niyu kun.” Guna su mid-intengan dan ne migkahi ran en te, “Ruen lelima ne timan se pan wey deruwa ne timan se serà.”

Lucas 7:41

Ne mibpenempità si Hisus kandin, ke sikandin te, “Duen deruwa ne etew ne nekeutang diyà te etew ne ebpemeutang te kureta ne lelima nehatus se mid-utang dut te senge etew, ne mid-utang ke seveka te lelima nepulù ne pirak.

Lucas 9:13

Ugaid ne migkahi si Hisus te, “Sikiyu se ebpekaan kandan.” Ne migkahi ran te, “Ini se keytew ne lelima rà ne timan ne pan wey deruwa rà ne timan ne serà. Etawa ebpepemasaen key nu te ibpekaan kayi te denda ne etew?”