Marcos 6:3 - Ke meupiya ne tudtul mekeatag ki Hisu Kristu

³ Maa, kenà uvag ayan ke pandey, ne anak ni Maria, ne kakey en ni Santiago, ki Jose, ki Hudas wey ki Simon? Maa, kenà be ke menge etevey rin ne ini red dema med-ubpà?” ke sikandan. Ne ketà ne mid-engkenà dan kandin.

Marcos 6:3 ပူးပေါင်းရင်းမြစ်များ

Mateo 11:6

“Ne peketueni niyu kandin te dayirayi nevenar ke etew ne kenà eduwaruwa kediey.”

Mateo 12:46

Edlalag pà si Hisus ne nekeuma en ke iney rin wey ke menge ari rin ne meama. Ne riyà dan dà te luwal meketaman ne mibpesuhuan dan dà si Hisus.

Marcos 15:40

Ne ruen dema ketà menge meritan ne nekeitindeg diyà te malù meriyù su edtengteng ki Hisus, elin ketà si Maria Magdalina, si Salumi, wey si Maria ke iney ni Jose ki Santiago ke ari rin.

Marcos 3:18

Ne elin dema si Andres, si Felipe, si Bartolome, si Mateo, si Tomas, si Santiago ke anak ni Alpiyu, si Tediyu, si Simon ke Patriat ne iyan din meana ne diralem se lengesa rin dut te inged din,

Lucas 2:34

Impengeningeni ni Simeon te ebpeneuven dan te Eleteala, ne migkahi en sikandin kayi te ki Maria ke iney ni Hisus te, “Ini se batà ne daan en ne mibpemilì te Eleteala ne tuus te Eleteala kayi te menge kevuwaran ni Israyil. Ke menge etew ne ed-engkenà kandin ne edusaan, ne ke menge etew ne edtelimà kandin ne ibpeliyu te Eleteala. Sikandin iya ke tuus ne riyà ebpuun te Eleteala kayi te sikandan, ugaid ne merakel se ed-engkenà kandin.

Lucas 7:23

Ne peketueni niyu kandin,” ke si Hisus, “te dayirayi nevenar ke etew ne kenà eduwaruwa kediey.”

Lucas 8:20

Ne ruen migkahi ki Hisus te, “Ke iney nu wey ke menge ari nu ne riyà te lihewangan su ebpekibalak dan keykew.”

Juan 14:22

Migkahi en si Hudas (kenà si Hudas ne anak ni Simon Iskeriyuti) te, “Kerenan, ne meambe ke kayi ke rà ebpepayag te kenami ne kenà ka diyà ebpepayag dut te menge etew ne warà medtelimà keykew?”

Juan 6:42

Ne mibpemengasak dan te, “Maa, kenà si Hisus ded ini ke anak ni Jose? Su egkekilala tew ke amey rin wey ke iney rin dema. Na meambe ke nekahi rin se riyà sikandin ebpuun te langit?”

Nenged-ulaula 1:13

Nekeuma ran diyà te Hirusalim ne mid-ulì dan diyà te sungkù dan diyà te divavew ne mid-ubpaan dan. Mesì dan ini ne si Pedro, si Juan, si Santiago, si Andres, si Felipe, si Tomas, si Bartolome, si Mateo, si Santiago ke anak ni Alfeo, si Simon ke Patriat (ne iyan din meana ne diralem se lengesa rin dut te inged din), wey si Hudas ke anak ni Santiago.

Nenged-ulaula 12:17

Ne miguringan kandan te kenà dan pà medlalag, ne mibpenudtul din kandan ke memenu se kinepelihawang kandin te Eleteala diyà te bilengguan. “Penudtula niyu ini,” ke si Pedro, “diyà te ki Santiago wey ke ruma ne menge suled tew te ebperetiyaya.” Ne mid-awà sikandin ketà su mibpendiyà te senge inged.

1 Kurintu 1:23

Ugaid ne sikami ne iyan dey ibpemesabut ke Meupiya ne Tudtul mekeatag te kinepatey ni Hisu Kristu riyà te pinebelavag ne kayu, misan iring te ebevayuen te andu ke hinawa rut te menge Hudiyanen ketà te egkerineg dan ini, ne riyà te itungan te menge Gerisiyanen ne warà rantek din.

1 Kurintu 9:4

Engkey, kenà be wagib te edtugenuren a te kegkaan ku wey ed-inumen ku rut te ebpemenduen ku?

Gelasiya 1:19

Ne warà pà ruma ni Pedro te kedserihan ni Hisus ne nekita ku liyu te si Santiago ke ari ni Hisu Kristu ke Kerenan tew.

1 Pedro 2:4

Egawed kiyu en rut te Kerenan tew ne si Hisus ne iyan ebehey te umur ne warà edtemanan din. Su sikandin ne iring te pelaus ne intimbag dut te menge ebpemevaley su kunaan dan ke warà rantek din, ugaid ne iyan en iya ini ne pemilì te Eleteala ne segkad ne berepantag dut te valey.

Hudas 1:1

Siaken ini se edsurat ne si Hudas ne suled ni Santiago wey sugsuhuen ni Hisu Kristu. Ne edsuratan ku sikiyu ne mibpemilì te Eleteala ne Amey tew ne nevaluy ne menge etew rin ne igkelimù din, ne ebentayan dema ni Hisu Kristu.