Marcos 5:15 - Ke meupiya ne tudtul mekeatag ki Hisu Kristu

¹⁵ Nekeuma ran ketà te ki Hisus ne nekita ran en te ebpinuu ke meama ne midsuukan te medmerakel ne menge vusew pehaney, ne duen en belegkas din ne nekeulit en ke itungan din. Ketà ne nengeandek dan nevenar.

Marcos 5:15 ပူးပေါင်းရင်းမြစ်များ

Mateo 12:29

“Ugaid ne netalew ku en si Setanas ke unuten te menge vusew,” ke si Hisus, “tembù be ebpekesegseg a te menge sakup din. Su warà etew ne ebpekelusud te valey te etew ne mevaher apey ebpenakew te menge kearen din embiya kenà din ed-unaan pà te ebakù arà se etew ne mevaher. Ugaid ne embiya nevakù din en, ne arà pà ne ebpekekuwa sikandin dut te kearen.

Mateo 26:53

Maa, warà nu ves metueni te egkepakey ne ebuyù a te tavang diyà te Amey ku ne Eleteala, ne seguguneey ne ibpepengkayi rin ke egngivuwan ne suluhuen din?

Mateo 4:24

Ne nekeeneb en ke bantug ni Hisus diyà te tivuuk ne inged te Siriya ne mibpeneheewit te menge etew diyà te kandin ke langun ne egkerasey te piya engkey ne sakit wey daru, menge midsuukan te vusew, menge ebevuyen, wey menge etew ne minatey se lawa rin, ne nengeulian ni Hisus ke langun dan.

Mateo 9:33

Ugaid ne guna su midsegseg en ni Hisus ke vusew ne mibpemekaid, ne nekelalag en ini se meama. Ne negeyip nevenar ke langun ne menge etew ketà ne mibpein-inseey ran te, “Taman te taman en ne warà tew pà mekita se iring kayi kayi te bansa tew te Israyil.”

Marcos 5:14

Guna su nekita ini rut te menge etew ne edtuganur ketà te menge bavuy ne mibpemelelahuy ran en su impemenudtul dan ini diyà te inged dan wey ke nekeerivey ne pengengewiran. Nerineg ini rut te menge etew, ne mibayaan dan en su midsusi ran.

Marcos 5:16

Ne ini se menge etew ne nekekita rut te mid-ulaula ni Hisus ne impenudtul dan en dut te ruma pà ne etew ke kegkeulii rut te meama ne midsuukan te menge vusew wey ke ned-ulaula rema rut te menge bavuy.

Marcos 5:18

Ne midlived en ensi Hisus diyà te avang dan, ne guna su ed-untud en sikandin te avang ne migkahi en ini se meama ne neulian en te, “Egkiyug a ne ebpekiduma kenikew,” ke sikandin.

Marcos 5:4

Ne kenà kepipira rà bekua ke paa rin wey ke velad din, ugaid ne ebpengevidtew rin ded ke kedina ne ebpengetamped din ke putew ne impatung te paa rin. Warà etew ne ebpekeehen kandin su mevaher.

Marcos 5:9

Ketà ne mid-insaan ni Hisus ke meama te, “Engkey ma se ngaran nu?” Ne midtavak ke vusew te, “Iyan ku ngaran ne si Selasà su medmerakel dey,” ke sikandin.

Lucas 10:39

Duen ari rin ne ed-ingaranan ki Maria. Ne mibpinpinuu si Maria ini riyà te uvey ni Hisus su ebpemineg te penurù din.

Lucas 8:27

Guna su migaun en si Hisus ketà te avang ne midsinuhung en sikandin te senge etew ne midsuukan te vusew ne andang ne mehinged ketà te Gerisiyanu. Ugaid ne neuhet en ne warà mid-ulì sikandin te ubpaan din su kayi en mid-ubpà te menge surung ne penlelevengan ne warà en seseberen din.

Kulasi 1:13

Su impeliyu kiyu en nikandin te kerusireman ne ebeyvayaan ni Setanas ke datù te pekaid, ne in-arat kiyu nikandin ketà te kerayahan ne iyan ebayàbayà ke Anak din ne si Hisu Kristu ne igkelimù din nevenar.

2 Timoteo 1:7

Su mibehayan kiyu en te Eleteala te Kedesenan ne Ebpetuntul te Menusiyà apey ki kenà egkeandek, nasì pà te mibehayan ki rin te gehem te edtuman te kiyug din wey ke limù ta rut te menge ruma ta wey ke ketau te ed-erangan te langun ne ed-ul-ulaan ta.