Marcos 4:15 - Ke meupiya ne tudtul mekeatag ki Hisu Kristu

¹⁵ Ne ini se ralan ne neuluhan te benì, ne arà ke menge etew ne nekerineg te Lalag te Eleteala, ugaid ne midegdehawan ni Setanas ke datù te pekaid te ed-ahew ini nerineg dan su apey kenà dan mekeperetiyaya.

Marcos 4:15 ပူးပေါင်းရင်းမြစ်များ

Mateo 13:19

Su ini se benì ne insawed din ne ini ke lalag mekeatag te Edetuan te Eleteala. Ne ke ralan ne neuluhan te benì ne arà ke menge etew ne nekerineg te Lalag te Eleteala, ugaid ne warà dan mesebuti ne warà meketahù te hinawa ran. Nekeuma si Setanas ke datù te pekaid ne midegdehawan din te ed-ahew ke lalag ne nerineg dan.

Mateo 22:5

“Ugaid ne warà dan medsehipà su iyan dan midsinaru ke kandan ne ed-ul-ulaan. Ini se senge etew ne mibpendiyà te pengengewiran din, ne ke senge etew ne diyà te tindà din,

Mateo 4:10

Ne migkahi si Hisus te, “Awà ka kayi, Setanas! Duen impesurat ne Lalag te Eleteala ne egkahi te, ‘Iyan niyu rà erapa ne Kerenan ne Eleteala niyu, ne sikandin dà se edsenguren niyu.’ ”

Marcos 4:14

Su iyan ku midsempitaan ketà te etew ne edsawed te benì ne ke etew ne ebpemenudtul dut te Lalag te Eleteala.

Marcos 4:16

Ne ke kebetuwan ne neuluhan te benì, ne arà ke menge etew ne nekerineg te Lalag te Eleteala ne ingkehalew ran te ebpemineg ne mibperetiyaya ran.

Marcos 4:4

Ne ketà te kinesawed din ne ruen benì ne nengeulug diyà te kilid te ralan ne midtuktuk en te menge pepenuk.

Lucas 8:12

Ke ralan ne neuluhan te benì ne arà ke menge etew ne nekerineg te Lalag te Eleteala, ugaid ne midegdehawen ni Setanas ke datù te pekaid te ed-ahew ke lalag su apey kenà dan mekeperetiyaya ne kenà dan egkepeliyu.

Nenged-ulaula 17:32

Guna su nerineg dan ini se nekahi ni Pablo mekeatag te kegkevanew dut te minatey, ne ruen duma ne midsumpalit. Ugaid ne ruen dema migkahi te, “Igkesuat dey pà maa te ebpemineg te kedseyseya nu mekeatag kayi.”

Nenged-ulaula 5:3

Ne migkehiyan sikandin ni Pedro te, “Ananias, meambe ke midtuhut ka ne ke datù te pekaid se ebayàbayà te hinawa nu su midtarùtarù ka rut te Kedesenan ne Ebpetuntul te Menusiyà? Su ruen intahak nu ne elehà dut te mibpasa nu ne tanà.

2 Kurintu 2:11

Ne ini se ed-ul-ulaan ta su apey ki kenà mepeneheewit ni Setanas ke datù te pekaid, su netuenan ta ne metau te liyuk te kegkeekali ta.

2 Tiselunika 2:9

Ne ketà te kebpekeuma te arà se etew ne nepenù te meraat ne ruen gehem din ne egenat dut te datù te pekaid ne si Setanas, tembù be metau sikandin ne edlimbung su ebpekevaal te menge ulaula ne mekegeyip su apey egkelimbungi ke menge etew. Ne ini se melemu ne egkelimbungan ne sikandan ke kenà eduma dut te benar ne penurù mekeatag te Eleteala. Su embiya mibperetiyaya ran ne ebpekeliyu ran ugaid ne kenà dan ebperetiyaya, tembù be edusaan sikandan.

Hibruhanen 12:16

Ne uram kew te kenà kew ed-ulaula te meredsik etawa ke ebpekewaraan niyu te hinawa niyu ke Eleteala iring ki Esau rengan. Su geina te pengenayan si Esau rut te amey rin ne ruen impasad kandin te Eleteala, ugaid ne insambì din dà ini se kewaris din te pengenayan te egkeenen ne keseveka rin dà egkeena.

Hibruhanen 2:1

Ne engketà be te iyan impesabut dut te impayag te Eleteala kenitew ne ke Anak din, ne egawed kiyu te benar dut te impayag kenitew su apey ki kenà egkepeneheewit te kebpekesuwey tew.

1 Pedro 5:8

Ne ed-uram ki ne ebantey ki rut te langun ne ed-ul-ulaan ta su ini se kunterà tew ne si Setanas ke datù te pekaid ne egkiyug ne ebpekesuwey ki te keduma ta te Eleteala. Su edlauglaug sikandin ne ebpemengà te etew ne egkepeneheewit din te ed-ulaula te meraat iring dut te mekeandek ne erimaung ne ebpemengà te egkekaan din.

Imperayag 12:9

Su in-antug dan diyà te ampew te dunya ini se rekelà ne tendayag wey langun ne sakup din. Su ini se tendayag ne arà se engkungkun ne uled te rengdengani rà nevenar ne ed-ingaranan ki Setanas ke datù te pekaid, ne metau ne edlimbung te langun ne menge etew kayi te ampew te dunya.

Imperayag 20:10

Ne si Setanas ne midlimbung kandan, ne id-antug sikandin diyà te apuy nerakà ne egkeregreg ne sendawà, ne dutun ke mekeandek ne binatang wey ke ebpelambas te tarù ni Setanas ne in-antug en. Ne merukilem meandew ne egkeresay ran taman te taman.

Imperayag 20:7

Na, embiya egkepupus en arà se sengivu ne rahun, ne ibpelihawang dan pà si Setanas ke datù te pekaid ketà te liyang ne mibilengguan kandin.