Marcos 4:12 - Ke meupiya ne tudtul mekeatag ki Hisu Kristu

¹² su apey ‘Misan edtengteng dan, ne kenà dan ebpekekita; ne misan ebpemineg dan, ne kenà dan ebpekesabut. Su embiya nesebutan dan, ne edlived dan ke hinawa ran diyà te Eleteala ne egkepesehad din sikandan.’”

Marcos 4:12 ပူးပေါင်းရင်းမြစ်များ

Marcos 8:18

Duen ded ura mata niyu, ne meambe ke kenà niyu egkekita? Ne duen ded ura telinga niyu, ne meambe ke kenà niyu egkerineg? Maa kenà niyu en egketenuran ke mid-ulaula ku?

Lucas 8:10

Ne migkahi si Hisus kandan te, “Sikiyu en imbe se ebpesebuten te Eleteala rut te warà din pà impayag te piya engkey ne etew mekeatag dut te kedatù din te menge etew. Ugaid ke ruma ne menge etew ne ibpepevayà te sempità su apey, misan edtengteng dan, ne kenà dan ebpekekita; ne misan egkerineg dan, ne kenà dan egkesebutan ke meana rin.”

Nenged-ulaula 3:19

Na,” ke si Pedro, “pemedsendit kew wey engkeri niyu ini se meraat ne ed-ul-ulaan niyu, ne ibehey niyu ke hinawa niyu te Eleteala su apey egkepesahad din ke menge meraat ne ed-ul-ulaan niyu. Embiya ini se ed-ul-ulaan niyu,

2 Timoteo 2:25

Embiya ruen ed-apul dut te ibpenurù din, ne ebpetuntayan din te menanew su kema ke edsembian te Eleteala ke itungan dan ne ebpedsendit dan ne ebpeketuntul dan en dut te benar.

Hibruhanen 6:6

ugaid ne ed-iniyuhan dan en maa ke Eleteala wey ke langun ne neheraman dan, ne kenà en egkepakey ne edsaup dan en maa ebpedsendit. Su embiya mid-iniyuhan dan en ke kebperetiyaya ran ki Hisus, ne iring te impelansang dan en maa ke Anak te Eleteala diyà te pinebelavag ne kayu ne mibpegkayà dan sikandin diyà te etuvangan te merakel ne etew.