Marcos 4:10 - Ke meupiya ne tudtul mekeatag ki Hisu Kristu

¹⁰ Guna su mid-awà en ke menge etew ne nevurun ketà ne ruen menge etew ne nekerineg dut te impenurù din ne mid-uvey ran kandin abpeg ke sepulù wey deruwa ne edumdumaan din ne mibuyù dan kandin te ibpesabut kandan ke meana te sempità.

Marcos 4:10 ပူးပေါင်းရင်းမြစ်များ

Mateo 13:3

Ne merakel se impenurù din kandan ne impepevayà te sempità. “Ruen etew,” ke si Hisus, “ne mibpendiyà te pengengewiran din su edsawed te benì.

Mateo 13:36

Ketà ne mid-ewaan ni Hisus ke denda ne menge etew ne mibpemenayik sikandin diyà te baley. Midtundug kandin ini se menge edumdumaan din ne ke sikandan te, “Ibpayag nu kenami ke engkey se meana dut te sempità nu mekeatag te utan ne insawed diyà te pengengewiran.”

Marcos 4:11

Ne migkahi si Hisus te, “Sikiyu ne edurumaruma kediey, ne ebpesebuten en te Eleteala rut te in-eles dengan mekeatag te kedatù te Eleteala te menge etew, ugaid ke ruma ne menge etew ne ibpenurù kandan te ibpepevayà te menge sempità,

Marcos 4:34

Warà sikandin mibpenurù kandan ke kenà ibpepevayà te menge sempità. Ugaid ne embiya iyan din dà dumà ke menge edumdumaan din, ne impesabut din kandan ke langun ne meana rin.

Marcos 4:9

“Tembù be,” ke si Hisus, “itaan niyu ke telinga niyu kayi te migkahi ku ini.”

Marcos 7:17

Nekeipus te edlalag si Hisus ne mid-ewaan din ke merakel ne etew ne midlusud en diyà te valey, ne mid-insaan en dut te menge edumdumaan din ke engkey se meana ketà te sempità din.