Marcos 3:5 - Ke meupiya ne tudtul mekeatag ki Hisu Kristu

⁵ Ne neepes si Hisus ne insihid din ke mata rin dut te menge etew ugaid ne ingkeuru rin ded manen su netuenan din te meresen se ulu ran su warà kegkeyru ran dut te menge ruma ran. Ne migkehiyan din manen ke etew ne nekeyengkeng se velad din te, “Mama, ketenga nu ayan se velad nu.” Arà dà ne migketeng en dut te meama ke velad din, ne neulian en.

Marcos 3:5 ပူးပေါင်းရင်းမြစ်များ

Mateo 12:13

Ne migkehiyan en ni Hisus ke meama ne nekeyengkeng ke velad din te, “Mama, ketenga nu ayan se velad nu.” Ne ketà ne migketeng dut te meama ke velad din ne neulian en, ne warà ded bira rin dut te divaluy ne velad din.

Marcos 3:4

Ne mid-insaan din en ke menge etew ne nevurun ketà te, “Engkey ma se nekahi te penduan tew ne idtuhut ne ed-ul-ulaan tew te Hewii ne Id-imeley? Maa, edtevangan tew ke menge ruma ta etawa ebpemekeiran tew sikandan? Maa, edsumpatan tew ke umur te menge ruma ta etawa ed-imetayan tew?” ke si Hisus. Ugaid ne warà den ma medtavak.

Lucas 13:15

Migkahi si Hisus kandan te, “Sikiyu ne engkungkun ne edtuman te suhù te Eleteala! Menu, kenà uman senge etew keniyu ne ed-ekar te sapì din etawa kudà din ne edtuyuken din diyà te wayig su ibpeinum din misan Hewii ne Id-imeley?

Lucas 17:14

Nekita rin sikandan ne migkahi en te, “Pendiyà kew te menge terebpelengesa te Eleteala ne peintengi niyu ke lawa niyu te nengeulian en.” Ne mid-ipanew ran ne gewii te riyà dan en te ralan ne nengeulian dan en.

Lucas 6:10

Ne insihid din ke mata rin dut te langun ne menge etew ne migkehiyan din ke meama ne nekeyengkeng se velad din te, “Mama, ketenga nu ayan se velad nu.” Ne ketà ne migketeng dut te meama ke velad din, ne neulian en.

Juan 9:7

Ne migkahi en sikandin te, “Pendiyà ke be te linew ne ed-ingaranan te Siluan ne pendapug ke ve ketà.” (Iyan meana te Siluan ne “Midsuhù”.) Arà dà ne mibpendiyà en ke pisek ne mibpendapug en ketà sikandin. Nekeipus ne midlived sikandin ne ebpekekita en.

Ruma 11:25

Na menge suled ku ne kenà Hudiyanen, ruen ibpayag ku keniyu ne in-eles rengan. Ne iyan ku kebpayag keniyu su apey kenà niyu igkependekarak ke mid-ulaula te Eleteala keniyu iring te sikiyu se muna pà dut te menge Hudiyanen. Ini ve arà se in-eles, ne ayan se kenà kebperetiyaya te menge Hudiyanen ne edsahad dà. Su embiya ve ke langun niyu ne kenà Hudiyanen ne nepemilì te Eleteala se mibperetiyaya en kandin, ne ketà pà ne egkeawà ke keresen te ulu ran ne ebpekeulit ke itungan dan te kebperetiyaya ran maa.

2 Kurintu 3:14

Ugaid ne warà mesebuti dut te menge Hudiyanen su meresen se ulu ran. Ne misan guntaani ne embiya ebasa ran dut te penduan ni Moises ne iring te nepintuan pà ke itungan dan su kenà dan egkesebutan. Ne kenà egkevukaan arà se itungan dan taman te kenà dan ebperetiyaya ki Hisus.

Ipisu 4:18

Su sikandan ne warà en iya pepaleng dan ke engkey se benar ne ralan. Ne warà en iya kandan ketà te umur ne warà edtemanan din ne riyà ebpuun te Eleteala su warà ma deisek dà ne kiyug dan te ebpemineg te kiyug te Eleteala su meresen ke ulu ran.

Ipisu 4:26

Embiya egkeepes kew rut te menge ruma niyu, ne uram kew su apey kew kenà ebpekedsalà kayi te ulaula niyu ne meraat. Ne kenà kew ebpetegtehuey te sakit te hinawa niyu su kenà niyu en pesendlepi te andew ke kegkeepes niyu.

Ipisu 4:30

Ne kenà niyu ul-ulaa arà se kenà ebpekesuhat te itungan te Kedesenan ne Ebpetuntul te Menusiyà, su ke ked-ubpà din diyà te hinawa niyu ke tuus te sikiyu ne angkun en te Eleteala. Ne tuus dema te sikandin se ebpayag ketà te hewii ne edlived si Hisus kayi ne ebpekeuman kew rut te menge etew ne mibpeliyu en.

Hibruhanen 3:10

Tembù be neepes a kandan ne migkahi a te, ‘Ini se menge etew ne layun edsuwey ke hinawa ran kedì ne kenà dan edumaan ke impemandù ku.’

Hibruhanen 3:17

Ne engkey pè be maa arà se menge etew ne nepeukan te Eleteala lusud te neked-epat nepulù ne rahun? Ew, sikandan ke mid-ulaula te meraatey, tembù be midusaan dan te Eleteala te kinepematey ran diyà te tanà ne kenà egkeubpaan te etew.

Hibruhanen 5:9

Ne geina te warà misan deisek dà ne igkesawey kandin dut te langun ne mid-ulaula rin, ne sikandin se dait ne ebpebpatey dut te salà te langun ne menge etew su apey langun ne eduma rut te lalag din ne egkevehayan te umur ne warà edtemanan din.

Imperayag 6:16

Ne migkehiyan dan ke menge buvungan wey ke menge rekelà ne batu te, “Ketempahi key en ne buvungan ne kevunbuni key en su apey key kenà egkekita rut te Eleteala ne ebpinuu ne edatù wey kenà key en meumai rut te kedusa te Nati te Bilibili.