Marcos 3:11 - Ke meupiya ne tudtul mekeatag ki Hisu Kristu

¹¹ Ne embiya egkekita si Hisus dut te menge etew ne mibpenuukan te menge vusew ne midlumpeng dan en diyà te sineruwan din se ebensag te, “Sikuna ke Anak te Eleteala!”

Marcos 3:11 ပူးပေါင်းရင်းမြစ်များ

Mateo 14:33

Guna su diyan dan en te avang, ne mibpengarap ini se menge edumdumaan din kandin. “Benar iya ne Anak ka te Eleteala!” ke sikandan.

Mateo 4:3

Ne mid-uvey kandin si Setanas ke datù te pekaid ne mibpenggeraman din se egkahi te, “Embiya sikuna en ke Anak te Eleteala ne pebeluya nu ini se menge batu ne pan ne egkekaan.”

Mateo 4:6

Ne migkahi ke datù te pekaid te, “Embiya benar ne sikew ke Anak te Eleteala ne umpak ka ruen. Su ruen impesurat ne Lalag te Eleteala ne egkahi te, ‘Edsuhù ke Eleteala te menge suluhuen din ne ebpetugenuren keykew. Ne edsepirawen ka nikandin su apey kenà egkerudruri ke paa nu te batu.’ ”

Mateo 8:29

Ne migkuleyì dan te, “Sikuna ke Anak te Eleteala, ne engkey ma se kememeniyà nu kediey? Maa mibpengkayi ka su ebpemekeiran key nu misan kenà pà ini ke timpu?”

Mateo 8:31

Ne mibpemuyù ke menge vusew ki Hisus te, “Embiya edsegsehen key nikuna ne ketà key nu ipeawuk te menge bavuy.”

Marcos 1:1

Ini ve ke Meupiya ne Tudtul mekeatag ki Hisu Kristu, ke Anak te Eleteala.

Lucas 4:41

Ne misan ke menge vusew ne impeawà din dut te menge etew ne edteverehen dan. Ne embiya ebpeewaen en ini se vusew ne egkuleyì dan te, “Sikuna ke Anak te Eleteala!” Ugaid ne pineengked ni Hisus sikandan su kenà din idluhut ne edlalag dan su netuenan dan te sikandin ke Impasad te Eleteala rengan ne Ebperetuen te langun.

Lucas 8:28

Nekita rin dà si hisus ne midrawak en ne midlumpeng diyà te sineruwan ni Hisus ne mibensag en se egkahi te, “Sikuna ini si Hisus ke Anak te Eleteala ne warà repenge din. Engkey ma se kememeniyà nu kediey? Isapà nu te etuvangan te Eleteala te kenà a nu pemekeiri!”

Nenged-ulaula 16:17

Ne midtundug kenami ki Pablo arà se meritan se ebpemensag te, “Ini ne menge etew ne sugsuhuen dut te Eleteala ne kenà egkerepengan! Ne ibpesabut dan keniyu ke ralan te ebpekeliyu kew rut te kedusa rin.”

1 Kurintu 11:34

Ne embiya ruen egkevitil keniyu, ne riyà med-ib-ivulung te baley rin su apey warà id-isuhat kandin ne ke kedusa te Eleteala. Na mekeatag te ruma pà ne insà niyu kediey, ne ruen pà ruma ne suhù ku keniyu ke embiya ebpekeuma ad keniyan te keniyu.

Santiago 2:19

Embiya egkahi ka te mibperetiyaya ke en te sebseveka rà ke Eleteala ne meupiya arà, ugaid ne kunaan nu ke kebperetiyaya nu se ebpekegaga. Misan ke busew ne ebperetiyaya ne egkerkeren dan te kegkeandek dan kandin, su netuenan dan se edusaan dan pà te Eleteala.