Marcos 2:5 - Ke meupiya ne tudtul mekeatag ki Hisu Kristu

⁵ Guna su netuenan ni Hisus te rekelà ke sarig dan kandin, ne migkehiyan din en ke minatey se tevì ne lawa rin te, “Mama, nepesehad en ke menge salà nu.”

Marcos 2:5 ပူးပေါင်းရင်းမြစ်များ

Mateo 9:2

Ne ruen menge etew ne nekeuma ne ed-ewit te etew ne mid-irehà diyà te duyanà ne minatey se tevì ne lawa rin. Guna su netuenan ni Hisus te rekelà ke sarig dan kandin ne migkehiyan din en ke minatey se tevì ne lawa rin te, “Kenà ka egkeuru, Mama. Nepesehad en ke keberedusaan nu.”

Mateo 9:22

Midlingì si Hisus ne nekita rin ini se meritan ne migkahi te, “Bayi, kenà ka egkeuru! Neulian ke en su sabap dut te kinesarig nu kediey.” Arà dà ne neulian en ke meritan.

Mateo 9:5

Endei rapit se melemu,” ke si Hisus, “te egkahi riyà te minatey se lawa rin te, ‘Ke menge salà nu ne nepesehad en’ etawa ve ke egkahi te, ‘Enew ka ne luluna nu ke ikam nu na ipanew ke en’ ”? ke sikandin.

Marcos 2:6

Ketà ne ruen dema ebpinpinuu ne menge etew ne ebpenurù te penduan, ne guna su nerineg dan ke migkahi ni Hisus ne iyan netahù te hinawa ran te,

Marcos 5:34

Ne migkehiyan en ni Hisus sikandin te, “Bayi, neulian ke en su sabap dut te kinesarig nu kediey. Ulì ke en be ne barasbaras ka su neulian ke en dut te keresayan nu,” ke sikandin.

Lucas 5:20

Guna su netuenan ni Hisus te rekelà ke sarig dan kandin ne migkehiyan din ke ederaru te, “Mama, nepesehad en ke keberedusaan nu.”

Lucas 8:48

Ketà ne migkahi si Hisus kandin te, “Bayi, neulian ke en su sabap dut te kinesarig nu kediey. Ulì ke en be ne barasbaras ka dut te keresayan nu.”

Juan 2:25

Su misan warà midtarem kandin te engkey se metahù te itungan te menge etew, ne netuenan din en ke engkey ke netahù te itungan dan.

Juan 5:14

Warà dà meuhet ketà ne nekita en ni Hisus ini se meama riyà te lusud te Nekebpuru ne Valey te Eleteala. “Intengi nu ve,” ke si Hisus, “neulian ke en te daru nu! Na, kenà ke en be baal te salà su apey ka kenà egkerasey te tuwas pà dut te daru nu ne ebpekesuhat keykew.”

Nenged-ulaula 11:23

Guna su nekeuma sikandin ne nekita rin arà se rekelà ne penaub te Eleteala ketà te menge etew. Ketà ne nehalew nevenar sikandin wey mibag-et din sikandan te egkahi te geweri ran te nevaher arà se kebperetiyaya ran ki Hisu Kristu ke Kerenan.

Nenged-ulaula 14:9

Mibpemineg din ini se lalag ni Pablo. Ne netuenan ni Pablo se mibperetiyaya arà se etew ne egkeulian sikandin, tembù be midtengtengan ni Pablo sikandin

Nenged-ulaula 5:31

Uya, mibanew sikandin te Eleteala ne mibatun din diyà te langit ne riyà impepinuu sikandin te egkekewanan te Eleteala su guntaani ne sikandin ke Kerenan tew wey sikandin se ebpeliyu keytew rut te keberedusaan tew te Eleteala su apey sikitew ke menge kevuwaran ni Israyil ne embiya ebpemedsendit kiyu wey ed-engked dut te meraat ne ed-ul-ulaan tew ne ebpeseharen din.

1 Kurintu 11:30

Su ini ke puunan te merakel keniyu se ebpenderaru, ne merakel keniyu se meluvey se lawa, ne merakel se mibpematey en su atag dut te kedusa te Eleteala.

2 Kurintu 2:10

Ne embiya ebpeseharen niyu sikandin, ne ebpeseharen ku red dema. Su embiya mibpesahad niyu en, ne ebpeseharan ku rema su apey kew egketevangi, ne netuenan ni Hisu Kristu te benar ini se egkehiyen ku.

Ipisu 2:8

Ne warà duma ne puunan te kebpekeliyu tew te salà tew ketà te kedsarig tew en ki Hisu Kristu ke kenà ke tavang dà dut te Eleteala. Warà ed-ul-ulaan tew ne ebpekegaga te kebpekeliyu tew su imbehey rà dè duen te Eleteala.

Kulasi 3:13

Kenà kew melemu rà ne egkeepes te ruma niyu misan ruen ibpuun niyu kandan, ugaid ne pesehara niyu. Iring ki Hisus te kenà din en ebpenunduhen ke salà tew, ne iring kew red dema ketà.

Santiago 5:15

Ne ini se kebpengeningeni ran ke embiya tidtu se kedsarig dan se igkeulii te ederaru, su ke Kerenan ne Eleteala se ebawì kandin. Ne embiya duen salà ne neveelan din, ne ebpeseharen en te Eleteala.