Marcos 2:18 - Ke meupiya ne tudtul mekeatag ki Hisu Kristu

¹⁸ Senge hewii ne midlimpas te kegkaan ke menge edumdumaan ni Juan ke Ebpembunyag wey ke menge Peresiyu su edtumanen dan ke betasan dut te keep-epuan dan. Ne ruen menge etew ne mibpendiyà te ki Hisus ne migkahi te, “Edlimpas te kegkaan ke menge edumdumaan ni Juan ke Ebpembunyag wey ke menge edumdumaan dut te menge Peresiyu ne meambe ke kenà edlimpas te kegkaan ke menge edumdumaan nu?” ke sikandan.

Marcos 2:18 ပူးပေါင်းရင်းမြစ်များ

Mateo 23:5

“Langun ne ed-ul-ulaan dan ne iyan dan ked-ulaula ne ibpereyùdeyù dan dut te menge etew. Intengi niyu ma ke derekelà ne imbevengkeleng dan wey ke imbagkes te velad dan ne midtehuan te insurat ne Lalag te Eleteala! Ne engketà ded ayan se melayat ne peyapey te belegkas dan!

Mateo 6:16

Ne migkahi pà maa si Hisus te, “Embiya edlimpas kew te egkaan su ebpengeningeni, ne kenà kew ebpekerumbahat te paras niyu iring dut te menge etew ne engkungkun ne metidtu. Su sikandan ke edlimpas dan te egkaan ne ebpebparas dan te merupaas su apey mekita te edlimpas dan te egkaan. Ne igkahi ku keniyu te kayi te ini se mid-ulaula ran ne nekuwa ran en ke lalew ran.

Mateo 6:18

su apey kenà metueni te menge etew te edlimpas kew te egkaan. Ne iyan dà netau ke Amey niyu ne Eleteala ne kenà egkekita. Ne iyan sikandin edlalew kenikew dut te mid-ulaula nu te sebseveka nu.”

Marcos 2:19

Ne midtavak si Hisus te sempità, ke sikandin te, “Embiya ruen egkewingen, maa edlimpas ves maa te kegkaan ke menge etew ne mid-inggat te ini pà ke ibpengesawa te kandan? Kenà en iya! Ne iring din ded dema kayi te edumdumaan ku su taman te ini e pà te kandan ne kenà dan arà ed-ul-ulaan.

Lucas 18:12

Uman senge pedian ne ke reruwa a edlimpas se egkaan ne ebehey a kenikew te ikesepulù ne umun dut te langun ne egkevatunbatun ku.’

Ruma 10:3

Su warà dan metueni te ruen ralan ne mibeelan te Eleteala te kebmetidtu ran diyà te etuvangan din, ugaid ne mibaalvaal dan te kandan dà ne ralan ne warà dan telimaa ke ralan te Eleteala ne kebmetidtu ran.