Marcos 16:10 - Ke meupiya ne tudtul mekeatag ki Hisu Kristu

¹⁰ Nekita rà ni Maria ne mid-ipanew sikandin su ebeyaan din ke menge edumdumaan ni Hisus. Neuma rin sikandan ne ebpeninehew ran te kegkemutu ran te kinepatey ni Hisus.

Marcos 16:10 ပူးပေါင်းရင်းမြစ်များ

Mateo 19:22

Nerineg ini rut te kenakan ne mid-ipanew en se merungkug su kewasa nevenar.

Mateo 24:30

“Ne ketà ne edlepew riyà te langit ke tuus te edlived en ke Impeanak te Menusiyà. Ne egkekita te langun ne menusiyà te ebpekeuma en sikandin ne egkerumaan te sehulapun, ne egkekita rema ke gehem din wey raman din ne ed-anlag, ne ketà ne ebpeninehew ke menge etew.

Mateo 9:15

Ne midtavak si Hisus te, “Embiya ruen egkewingen, maa edlimpas ves maa te kegkaan ke menge etew ne pinetelavuk te ini pà ke ibpengesawa te kandan? Kenà en iya! Ugaid ne ruen hewii ne egkeuma ne egkeawà ke ibpengesawa diyà te kandan, ne ketà dan pà edlimpas te egkaan.”

Marcos 14:72

Arà dà iya ne mid-ukarà en ke manuk te ikeruwa. Ketà ne netenuran ni Pedro ke migkahi ni Hisus kandin te, “Kenà pà ed-ukarà ke manuk te kereruwa te ini en ne kerukileman ne ketetelu a nu en ibparew te kenà ki teleduma.” Ne midrahukrahuk en si Pedro te kedsinehew rin.

Lucas 24:17

Migkahi si Hisus kayi te kandan te, “Engkey ini se egkepengasak niyu te ed-ip-ipanew?” Mid-itindeg dan se paras te egkemutuwan.

Juan 16:6

Guntaan te migkehiyan ku sikiyu, ne egkemutuwan kew en.

Juan 20:18

Arà dà ne mibayaan en ni Maria Megdelina ne mibpenudtulan din en ke edumdumaan ni Hisus te nekita rin si Hisus ne mibpenudtul din dema kandan ke langun ne lalag ni Hisus.