Marcos 15:40 - Ke meupiya ne tudtul mekeatag ki Hisu Kristu

⁴⁰ Ne ruen dema ketà menge meritan ne nekeitindeg diyà te malù meriyù su edtengteng ki Hisus, elin ketà si Maria Magdalina, si Salumi, wey si Maria ke iney ni Jose ki Santiago ke ari rin.

Marcos 15:40 ပူးပေါင်းရင်းမြစ်များ

Mateo 10:3

Si Felipe wey si Bartolome; si Tomas wey si Mateo ke ebpevayad te buwis; si Santiago ke anak ni Alpiyu, wey si Tediyu;

Mateo 13:55

Maa, kenà uvag sikandin ke anak te pandey? Ne maa, kenà si Maria ke iney rin wey si Santiago, si Jose, si Simon wey si Hudas ke menge ari rin?

Mateo 27:61

Ne si Maria Magdalena wey senge etew pà ne Maria ne mibpinuu ketà se edsinaru dut te leveng.

Mateo 28:1

Guna su neipus ke Hewii te Id-imeley ne mehaan en egkepawà te hewii te Akad ne mibpendiyà si Maria Magdalina wey ke senge etew ne Maria su ed-intengan dan ke leveng ni Hisus.

Marcos 15:47

Ne nekita en ni Maria Magdalena wey si Maria ke iney ni Jose ke langun ne mid-ulaula rin wey endei rin inleveng ke bangkey ni Hisus.

Marcos 16:1

Guna su neipus en ke Hewii te Id-imeley ne mibpemasa ensi Maria Magdalena, si Salumi, wey si Maria ke iney ni Santiago te periyemut su ebpendiyà dan te midlevengan ki Hisus su ebperiyemutan dan ke lawa rin.

Marcos 16:9

Guna su nevanew en si Hisus ne mesmeselem pà te hewii ne Akad, ne riyà mid-una mibpekita sikandin te ki Maria Magdalena. Ini ke meritan ne midsuukan te pitu ne vusew ne midsegseg ni Hisus dengan.

Lucas 19:3

Egkesuatan din te edtengteng si Hisus, ugaid ne kenà din egkekita su nelingutan si Hisus te merakel ne etew ne mevavà ne etew si Sekiyu.

Lucas 23:49

Langun ne edkekilala ni Hisus abpeg ke menge meritan ne miduma kandin igenat te Geliliya ne mid-it-itindeg diyà te malù meriyù se edtengteng kayi te langun ne ned-ulaula.

1 Kurintu 9:5

Engkey, kenà be kewagib te ed-iring a dut te ruma ne menge kedserihan ni Hisus, abpeg dut te menge ari rin wey si Pedro, su langun dan ne ruen esawa ran ne mibperetiyaya ki Hisus ne edumaan dan te ked-ipanew ran?

Gelasiya 1:19

Ne warà pà ruma ni Pedro te kedserihan ni Hisus ne nekita ku liyu te si Santiago ke ari ni Hisu Kristu ke Kerenan tew.

Santiago 1:1

Siaken ini se edsurat ne si Santiago. Sugsuhuen a te Eleteala wey ke Kerenan tew ne si Hisu Kristu. Edsuratan ku sikiyu, ke langun ne menge Hudiyanen ne mibperetiyaya ki Hisu Kristu ne nekesivurak kayi te ampew te dunya ne ebpenginginsà a keniyu.