Marcos 15:14 - Ke meupiya ne tudtul mekeatag ki Hisu Kristu

¹⁴ “Meambe?” ke si Pilatu. “Engkey se meraat ne mid-ulaula rin?” Ugaid ne nasì en be ne mid-iseg pà se kebpemensag dan te, “Ibpelansang nu sikandin diyà te ebpebelevahen ne kayu!”

Marcos 15:14 ပူးပေါင်းရင်းမြစ်များ

Mateo 27:19

Ikeruwa rin ne gewii te kebpinuu diyà te kukuman ne ruen nekeuma ne telaan te esawa rin ne egkahi te, “Kenà ka ebpekid-ubpu dut te meraat ne idwagib dan keniyan te etew ne warà salà din. Su geina te merukilem ne ruen tehinepen ku mekeatag kandin ne nepesangan a.”

Mateo 27:4

“Nekesalà a,” ke sikandin, “su impesigkem ku arà se etew ne warà salà din!” Ne migkahi ran te, “Engkey se kenami ketà? Keykew rà ayan!”

Mateo 27:54

Ne ini se kepitan wey ke menge ruma rin ne sundaru ne ebantey ki Hisus, ne nengeandek dan nevenar dut te neheram dan ke linug wey nekita ran ke langun ne ned-ulaula ketà. Ke sikandan te, “Benar ini ne Anak te Eleteala!”

Marcos 15:13

Ne mibpemensag den dà te, “Ibpelansang nu sikandin diyà te ebpebelevahen ne kayu!”

Marcos 15:15

Ketà ne impelihawang en ni Pilatu si Barabas su apey igkesuat sikandin dut te menge etew. Ne si Hisus embe ke imperuug din en ne imbehey rin en kandan te ibpelansang diyà te pinebelavag ne kayu.

Lucas 23:21

Ugaid ne mibpememensag se egkahi te, “Ipelansang nu! Ipelansang nu riyà te ebpebelevahen ne kayu!”

Lucas 23:4

Ne migkahi si Pilatu riyà te menge mepurù te terebpelengesa wey ke merakel ne menge etew ne nevurun ketà, ke sikandin te, “Warà netuen ku ne salà ne id-isuhat ku kayi te etew ini.”

Lucas 23:41

Dait ta ini te deruwa se ed-imetayen su id-ulì dà keyta ke kereatey te ulaula ta. Ugaid ne ini se etew ne egkeimetayan te warè en iya meraat ne ulaula rin.”

Lucas 23:47

Nekita rut te kepitan te menge sundaru ne ini se ned-ulaula ne nekereyù sikandin te Eleteala se egkahi te, “Benar ves iya ne metidtu ini ne etew.”

Juan 18:38

Arà dà ne mid-insà si Pilatu te, “Engkey se meana te benar?” Nekahi rin dà arà ne midlihawang en maa si Pilatu riyà te menge Hudiyanen ne migkahi te, “Warà egketuen ku ne id-isuhat ku kandin.

Juan 19:6

Guna su nekita rut te menge mepurù te terebpelengesa wey ke menge gurudyà si Hisus ne mibpemensag dan en te, “Idlansang sikandin diyà te ebpebelevahan ne kayu!” Ne migkahi si Pilatu te, “Iyan kew en lansang kandin diyà te pinebelavag ne kayu, su warà egketuen ku ne arus ne ibpatey rin.”

Nenged-ulaula 13:28

Ne misan warà netuen dan ne ibenar ne salà ne dait ne ebpeimetayan si Hisus, ne mibuyù dan ki Pilatu ke gubinedur te ebpeimetayan kandin.

Nenged-ulaula 19:34

Ugaid ne netuenan dan ne Hudiyanen sikandin ne mid-ilut dan se ebpememensag te, “Ed-edatan nevenar si Diana kayi te inged ne Ipisu!” Ne lusud te deruwa ne uras arà se kebpememensag dan.

Hibruhanen 7:26

Engketà be ne si Hisus ke Mepurù ne Terebpelengesa tew riyà te etuvangan te Eleteala ne sikandin se ebpekevehey kenitew te langun ne kurang tew. Metidtu nevenar sikandin, ne warà salà din misan deisek dà ne meraat ne ulaula. Nekebira nevenar sikandin dut te langun tew su belisalà ki. Ne impepurù sikandin te Eleteala dut te langun taman misan diyà te langit.

1 Pedro 1:19

Su iyan din imbelukas keytew ne ke impelengesa ne Anak din ne si Hisu Kristu. Ne sikandin ne iring te nati te bilibili ne nepemilì dan su warà sarir din ne ibpelengesa ran su ibehey te Eleteala. Ne iring ketà si Hisus Kristu su sikandin ne warà iya salà din.