Marcos 14:61 - Ke meupiya ne tudtul mekeatag ki Hisu Kristu

⁶¹ Ugaid ne mibpeeneng-eneng dà si Hisus. Ne migkahi pà maa ini se pinekemepurù dut te menge terebpelengesa te, “Maa, sikuna en iya ini ke Anak te Eleteala ne midtendù din ne ebperetuen din?”

Marcos 14:61 ပူးပေါင်းရင်းမြစ်များ

Mateo 16:16

Ne midtavak si Pedro te, “Sikuna ke Impasad ne Ebperetuen te langun ne menge etew dut te Eleteala ne warà kemetayan din, ne sikuna ke Anak din.”

Mateo 3:17

Ketà ne ruen suwara ne riyà ebpuun te langit ne nerineg din se egkahi te, “Sikew ke Anak ku ne igkelimù ku nevenar, ne utew en ne ingkesuatsuat ku sikew.”

Mateo 8:29

Ne migkuleyì dan te, “Sikuna ke Anak te Eleteala, ne engkey ma se kememeniyà nu kediey? Maa mibpengkayi ka su ebpemekeiran key nu misan kenà pà ini ke timpu?”

Marcos 14:60

Ketà ne mid-itindeg en ke pinekemepurù te menge terebpelengesa ne migkehiyan din si Hisus te, “Engkey ve se keykew ne egkekahi? Engkey, benar ini se id-isuhat dan ne kewagib keykew?”

Marcos 15:2

Ne mid-insaan en ni Pilatu si Hisus te, “Menu, sikuna en iya ke ratù te menge Hudiyanen?” Midtavak ni Hisus te, “Uya, ayan iya se migkahi nu.”

Juan 1:34

Ne nekita ku en iya ini,” ke si Juan, “ne egkehiyen ku en keniyu te sikandin en iya ke Anak te Eleteala.”

Juan 10:24

Ne rutun ne miburun ke menge egkeunutan te Hudiyanen diyà te ki Hisus su mid-insaan dan te, “Keenu key pà nikuna edteremi ke entei ka? Embiya maa sikuna en ke Edetuen ne Impasad te Eleteala, ne ikahi nu en kenami.”

Juan 10:36

Su siaken, ne mibpemilì a te Amey ku ne Eleteala ne impepengkayi a te ampew te dunya, ne meambe ke egkekahi niyu se edsumpeliten ku ke Eleteala embiya egkehiyen ku te Anak a te Eleteala?

Juan 18:37

Ketà ne migkahi si Pilatu te, “Engkey, ratù ke ves?” Midtavak si Hisus te, “Benar ayan se nekahi nu ne ratù a! Su iyan ku kinepengkayi te ampew te dunya ne impeanak te menusiyà su ebpesabut a rut te benar. Ne misan entei en ne etew se edtampil dut te benar, ne ebpemineg kediey.”

Juan 19:7

Ne migkahi ke menge Hudiyanen te, “Kayi te penduan dey ne iyan iya se ebpeimetayan ini se etew su edsumpalit sikandin su egkahi te Anak te Eleteala.”

Juan 19:9

Midlusud maa si Pilatu riyà te turuhan din ne med-insà maa si Hisus te, “Endei ke ma ebpuun?” Ugaid ne warà medtavak si Hisus.

Nenged-ulaula 8:32

Ini se mibasa rin ne Lalag te Eleteala ne ke impesurat ki Isayas rengan ne egkahi te, “Iring sikandin te bilibli ne eduma ne edtuyuken su edsumbelien; uya iring sikandin te nati te bilibili ne kenà ed-erang ke edtevungawan, su warà kekehiyen din.

1 Timoteo 6:15

Ini ve se kebpelived te Eleteala ki Hisus kayi ne kedtumana rin dut te enget ne hewii ne mibpemilì din. Su sikandin dà se keupianan te ebayàbayà te langun. Sikandin ke mepurù ne ebayàbayà dut te langun ne menge datù wey sikandin ke mepurù ne ebayàbayà dut te langun ne menge pengulu.

1 Pedro 2:23

Su misan ke menge etew ne midsumpalit kandin, ne warà din tevaka te meraat. Ne iring ded ketà te mibpekesekitan sikandin, ne warà sikandin migkahi te edsulì. Insarig din dà diyà te Eleteala ne iyan metidtu ne egkukum dut te langun ne egketemanan din.