Marcos 14:54 - Ke meupiya ne tudtul mekeatag ki Hisu Kristu

⁵⁴ Ne midtutundugtundug en si Pedro kandan taman te nekeuma sikandin diyà te lama te valey dut te pinekemepurù te menge terebpelengesa. Na kayi mibpekid-amur en mibpinuu dut te menge bantey te valey se ed-inarang.

Marcos 14:54 ပူးပေါင်းရင်းမြစ်များ

Mateo 26:3

Ne arà dema ne hewii ne miburun ke menge mepurù te terebpelengesa wey ke menge pekilukesen te Hudiyanen diyà te turuhan ni Kayipas, ke pinekemepurù dut te langun ne terebpelengesa

Mateo 26:58

Ugaid ne si Pedro, ne midtundugtundug ded kandan taman te nekeuma sikandin diyà te lama te valey dut te pinekemepurù te menge terebpelengesa. Ne rutun ne midlusud sikandin dut te lama ne mibpekid-amur en mibpinuu dut te menge bantey te baley su edtengtengan din ke engkey se ibped-ulaula ran ki Hisus.

Marcos 14:38

Kenà kew edlipereng, ugaid ne pengeningeni kew,” ke si Hisus, “su apey kenà kew ebpekeruma kayi te ebpenggeram keniyu. Su mevaher perem ke hinawa niyu te edtuman te lalag ku, ugaid ne midtaman dè be te kenà eduma ke lawa niyu.”

Marcos 14:66

Ne riyà pà lavew te lama te valey te Pinekemepurù te Terebpelengesa si Pedro, ne ruen meritan ne edsugsuhuen ketà te valey ne mid-uvey kandin.

Lucas 22:44

Ne gaina te nepenù en si Hisus te kemutuwan ne mid-ilut pà se kebpengeningeni rin te Eleteala, ne ketà ne edtehaktak diyà te tanà ke rimuseng din ne iring en te lengesa.

Lucas 22:54

Ne ketà ne midsigkem dan si Hisus ne mibpeneheewit dan en diyà te baley te pinekemepurù dut te menge terebpelengesa. Ne midtundugtundug en dema si Pedro.

Juan 18:18

Ne rutun te lamalama ne mid-uyag dan te apuy te uring ke menge sugsuhuen kayi te valey elin dema ke menge bantey rut te nekebpuru ne valey te Eleteala su ebpenginarang dan su meadsil. Ne arà dà dema ne mid-uvey en si Pedro su ed-inarang dema sikandin.

Juan 18:25

Ne ketà te lamalama te Pinekemepurù te menge Terebpelengesa ne ed-inarang pà lavew si Pedro. Mid-insaan te menge etew sikandin te, “Kenà ka senge etew ne edumdumaan keniyan te etew an?” Ugaid ne mibparew si Pedro, “Kenà, kenà siaken!”