Marcos 14:39 - Ke meupiya ne tudtul mekeatag ki Hisu Kristu

³⁹ Ne mid-awà en maa si Hisus se ebpengeningeni te iring ded ketà te neuna ne pengeningeni rin.

Marcos 14:39 ပူးပေါင်းရင်းမြစ်များ

Mateo 6:7

“Ne kayi te kebpengeningeni niyu,” ke si Hisus, “ne kenà niyu edlumlumbayi ke pengeningeni niyu iring dut te menge etew ne kenà ebperetiyaya te Eleteala. Su iyan dan kunaan ke ebpeminehen te Eleteala ke pengeningeni ran ke ebpekelayaten dan.

Marcos 14:38

Kenà kew edlipereng, ugaid ne pengeningeni kew,” ke si Hisus, “su apey kenà kew ebpekeruma kayi te ebpenggeram keniyu. Su mevaher perem ke hinawa niyu te edtuman te lalag ku, ugaid ne midtaman dè be te kenà eduma ke lawa niyu.”

Marcos 14:40

Ne ketà ne midlived maa sikandin kayi te tetelu ne edumdumaan din ne iyan din neumaan se nekelipereng dan su midseharan dan te turug. Ne warà dan metau ke engkey se egkehiyen dan.

Lucas 18:1

Duen maa insempità ni Hisus dut te edumdumaan din su apey ran egketenuri se layun dan ebpengeningeni ne kenà dan egkevungas.

2 Kurintu 12:8

Ne ketetelu ku en impengeningeni riyà te Eleteala te ebuyuen ku ne id-awà din.

Hibruhanen 5:7

Gewii pà ni Hisus kayi te ampew te dunya ne miguriper se luwà din te kegkulayì din dut te pengeningeni rin diyà te Eleteala, su Eleteala rà se ebpekegaga te kebpeliyu kandin dut te kemetayen din. Ne nerineg ke pengeningeni rin te Eleteala su ke kinepeembavà din te hinawa rin wey ke kebperumaruma rin dut te kiyug te Eleteala.