Marcos 14:20 - Ke meupiya ne tudtul mekeatag ki Hisu Kristu

²⁰ Midtavak si Hisus te, “Senge etew keniyu rut te sepulù wey deruwa ne ebpekidtuhen te edeluwit te pan din kayi ke ed-ulug kediey.

Marcos 14:20 ပူးပေါင်းရင်းမြစ်များ

Mateo 26:23

Ne migkahi si Hisus te, “Ini se ebpekidtuhen ne edeluwit en te pan din ke ed-ulug kediey.

Mateo 26:47

Gewii te edlalag pà si Hisus ne nekeuma en si Hudas, senge etew ini rut te sepulù wey deruwa ne edumdumaan din. Ne nerumaan dut te denda ne menge etew ne mibmemetarem dan te menge sundang wey menge behuval, su midsuhù dan dut te menge mepurù te terebpelengesa, ke menge meyterù te penduan, wey ke menge pekilukesen te menge Hudiyanen.

Marcos 14:19

Guna su nerineg dut te menge edumdumaan din ini, ne mibmerungkug dan ne uman senge etew ne mid-insà te, “Entei, kenà ma siaken?”

Marcos 14:21

Su egkeimetayan ke Impeanak te Menusiyà iring dut te nekahi te impesurat ne Lalag te Eleteala rengan, ugaid ne meraat nevenar se egketemanan din ini se etew ne ed-ulug kandin su iyan pà tumù ne warà sikandin ianak.”

Marcos 14:43

Gewii te edlalag pà si Hisus ne nekeuma en si Hudas, senge etew ini rut te sepulù wey deruwa ne edumdumaan din. Ne nerumaan dut te merakel ne menge etew ne midmemetarem dan te menge sundang wey menge behuval, su midsuhù dan dut te menge mepurù te terebpelengesa, ke menge meyterù te penduan, wey ke menge egkeunutan te menge Hudiyanen.

Lucas 22:47

Gewii te edlalag pà si Hisus ne nekeuma en se merakel ne etew. Ne si Hudas ke senge etew rut te sepulù wey deruwa ne edumdumaan din ne iyan en iya ebpengunaan kandan. Mid-uvey rin si Hisus su ed-erekan din.

Juan 13:26

Midtavak si Hisus te, “Ideluwit ku ini se pan kayi te savew ne endei ve ketà se ebehayan ku ne arà imbe sikandin.” Arà dà ne indeluwit din en ke pan dut te savew ne imbehey rin en ki Hudas ke anak ni Simon Iskeriyuti.

Juan 6:71

Iyan din ini egkehiyen ne si Hudas ke anak ni Simon Iskeriyuti. Su misan senge etew si Hudas dut te sepulù wey deruwa, ne sikandin se ed-ulug ki Hisus diyà te menge kunterà din.