Marcos 14:17 - Ke meupiya ne tudtul mekeatag ki Hisu Kristu

¹⁷ Guna su merukilem en ne nekeuma en si Hisus wey ke sepulù wey deruwa ne menge edumdumaan din ketà te valey.

Marcos 14:17 ပူးပေါင်းရင်းမြစ်များ

Marcos 14:16

Arà dà se nerineg dan ne mid-ipanew en ini se deruwa ne edumdumaan ni Hisus se ebpendiyà te inged, ne langun dut te ingkahi kandan ni Hisus ne arè en iya rema se nekita ran. Ne ketà dan en mibpegatur te idlavung dan te Pista te Kedsehari te Suluhuen.

Marcos 14:18

Ne gewii ran te egkaan ne migkahi si Hisus te, “Benar ini se egkehiyen ku keniyu, ruen senge etew kayi te keniyu se ed-ulug kediey su apey a meimetayi.”

Lucas 22:14

Guna su arà en ke kedlavung dan ne mibpinuu si Hisus wey ke menge edumdumaan din ne ed-ingaranan te apustulis su egkaan.

Juan 13:18

“Kenà langun niyu se egkesuhat kayi te edlelehan ku,” ke si Hisus, “su netuenan ku ke engkey se netahù te hinawa te uman seveka keniyu ne mibpemilì ku, ne netuenan ku ke engkey se ebpulid kedì te menge kunterà ku. Ugaid ne ruen impesurat ne Lalag te Eleteala rengan ne egketuman en ne egkahi te, Ke etew ne mibpekidtuhen kedì ne iyan ded nevaluy ne kunterà ku.