Marcos 14:12 - Ke meupiya ne tudtul mekeatag ki Hisu Kristu

¹² Ne ketà te egkeuma ne hewii te Pista te menge Hudiyanen te kegkaan dan te Pan ne Warà Insawug ne Ibpelevag, ne edsusumbalì dan te nati te bilibili ne egkeenen dan te kedtenuri ran dut te hewii rengan te Kedsehari te Suluhuen dut te menge Apù dan. Ne mid-insaan si Hisus dut te menge edumdumaan din te, “Endei rey ve ini ebpegetura se idlavung tew te Pista te Kedsehari te Suluhuen?”

Marcos 14:12 ပူးပေါင်းရင်းမြစ်များ

Mateo 3:15

Ne midtavak si Hisus kandin te, “Ed-iringen ta en kayi ne bunyahi ad nikuna su apey ta metuman ke langun ne insuhù te Eleteala.” Ne ketà ne migkiyug si Juan ne mibunyahan din en si Hisus.

Marcos 14:1

Deruwa pà ne hewii ne egkeuma ke kevurunan ne edtenuran tew ne ed-ingaranan te Pista te Kedsehari te Suluhuen dut te menge apù tew rengan wey ke Pista te Kegkaan dan te Pan ne Warà Idsawug ne Ibpelevag. Ne ebpemengà ke menge mepurù te terebpelengesa wey ke menge meyterù te penduan te ralan te kedsigkem dan ki Hisus te kenà egketuenan dut te menge etew apey ebpeimetayan dan en.

Marcos 14:11

Guna su nerineg dan ne nengesuatsuat dan nevenar, ne impasad dan kandin te ebehayan te pirak. In-awà dè be ketà ne ebpemengaan en ni Hudas ke ralan te kegkeulug din ki Hisus su apey mesigkem dan en.

Marcos 14:13

Ne ketà ne midsuhù ni Hisus se deruwa rut te menge edumdumaan din se egkahi te, “Una kew en be riyà te inged ne ruen ne edsinuhung keniyu ne meama ne ed-utuk te kelalew ne ruen wayig din.

Gelasiya 4:4

Ugaid ne wey mekeuma ke hewii ne mibpetedtavan te Eleteala rengan, ne midsuhù din ke Anak din kayi te ampew te dunya ne pinebaluy ne etew. Su ibpeanak din si Hisus te senge etew ne meritan ne Hudiyanen ne miduma sikandin dut te penduan te menge Hudiyanen ne intahak ki Moises