Marcos 13:5 - Ke meupiya ne tudtul mekeatag ki Hisu Kristu

⁵ Ne migkahi si Hisus kandan te, “Uram kew su apey kenà kew meekali dut te menge etew ne metau ne edliyuk.

Marcos 13:5 ပူးပေါင်းရင်းမြစ်များ

Marcos 13:4

“Ikahi nu kenami ke keenu egketuman ini se langun ne migkahi nu ne kegkerundus dut te Nekebpuru ne Valey te Eleteala, ne engkey se idtuus dey su apey rey egketueni te neuma en ke hewii te kegketuman din.”

Marcos 13:6

Su merakel se edlepew ne engkunkun te siaken en ne egkahi ran te, ‘Siaken en ini ke Impasad te Eleteala ne Ebperetuen te langun ne menge etew!’ Ne ketà,” ke si Hisus, “ne merakel ne menge etew se ebpekeperetiyaya te tarù dan.

Lucas 21:8

Ne migkahi si Hisus te, “Uram kew su apey kenà kew meekali dut te menge etew ne metau ne edliyuk. Su merakel se edlepew ne engkungkun ne siaken en ne egkahi ran te, ‘Siaken en ini ke Impasad te Eleteala ne Ebperetuen te langun!’ Ne egkahi ran te, ‘Ini en ke ketepusan ne hewii,’ ugaid ne kenà kew eduma kandan.

1 Kurintu 15:33

Ugaid ne kenà kew egkeekali ketà. Su tentenuri niyu ke beseanan ne egkahi te, “Embiya ebpekeruma kew rut te menge etew ne meraat se ulaula rin, ne egkepeneheewit kew ran dema te ebaal te meraat.”

Ipisu 5:6

Kenà kew ve imbe egkeekali keniyan ke ruen egkahi te ayan ne menge ulaula ne warà dà diyà te itungan te Eleteala su ebpeseharen din dà. Su ketà ebpuun ne menge ulaula ne ayan se menge etew ne warà meduma te Eleteala ne ed-isuhaten din su mid-ulaula ran ke igkeepes te Eleteala.

Kulasi 2:8

Pemiyapiya kew ve rut te menge etew ne ebpekehuyud te inesa niyu te ebpemineg dut te lalag dan ne engkungkun ne meralem su apey kew egkeekali wey apey kew ebperumaruma kandan. Ugaid ne warà pantag dut te menge lalag dan su iyan dan dà ebpenurù ke betasan te menge keep-epuan dan ne riyà dà ebpuun te itungan dut te menge etew rà dè duen, su ini se ibpenurù dan ne kenà riyà ebpuun te ki Hisu Kristu.

2 Tiselunika 2:3

Uram kew su apey kew kenà egkelimbungi su kenà pà ebpekeuma arà ne hewii te warà pà med-ulaula ini se mevaher ne kegkunterà te menge etew dut te Eleteala, ne arà ded ne hewii ne edlepew ke etew ne nepenù te meraat. Ketà te kedlepew rin ne egkunteraan din ke langun ne meupiya ne egkiyuhan te Eleteala. Ne sikandin se edereetan te Eleteala riyà te apuy ne rakà.

1 Juan 4:1

Menge suled ku ne igkelimù ku, kenà kew peretiyaya dut te langun ne egkahi ne impekahi ran kun te Kedesenan ne Ebpetuntul te Menusiyà. Ugaid ne perisaan niyu pà ke ebpenurù dan apey niyu metueni ke riyà be ebpuun ini te Eleteala etawa kenà. Su merakel se midlepew kayi te ampew te dunya ne uvag kun te ebpelambas sikandan te Lalag te Eleteala.