Marcos 13:4 - Ke meupiya ne tudtul mekeatag ki Hisu Kristu

⁴ “Ikahi nu kenami ke keenu egketuman ini se langun ne migkahi nu ne kegkerundus dut te Nekebpuru ne Valey te Eleteala, ne engkey se idtuus dey su apey rey egketueni te neuma en ke hewii te kegketuman din.”

Marcos 13:4 ပူးပေါင်းရင်းမြစ်များ

Mateo 24:3

Guna su riyan dan en te buvungan ne ed-ingaranan te Ulivuwen ne mibpinuu si Hisus, ne mid-uvey kandin ke menge edumdumaan din te sikandan dà. “Ikahi nu kenami,” ke sikandan, “ke keenu egketuman ini se migkahi nu ne kegkerundus dut te Nekebpuru ne Valey te Eleteala. Ne engkey se idtuus dey su apey rey egketueni ke mehaan en egkepupus ini se kelibutan ne egkeuma arà ke hewii ne edlived ka kayi te ampew te dunya?”

Marcos 13:3

Guna su riyan dan en te buvungan ne ed-ingaranan te Ulivuwan ne mibpinuu si Hisus ne egkesineruwan din ke Nekebpuru ne Valey te Eleteala. Ne mid-uvey kandin si Pedro, si Santiago, si Juan, wey si Andres te sikandan dà se egkahi te,

Marcos 13:5

Ne migkahi si Hisus kandan te, “Uram kew su apey kenà kew meekali dut te menge etew ne metau ne edliyuk.

Lucas 21:7

Ne mid-insaan dan si Hisus te, “Meyterù, keenu ve ini egketuman se kegkerundus dut te Nekebpuru ne Valey te Eleteala? Ne engkey se idtuus dey su apey rey egketueni te mehaan en ini egketuman?”