Marcos 13:14 - Ke meupiya ne tudtul mekeatag ki Hisu Kristu

¹⁴ Ne embiya egkekita niyu en ini se “Ebpekekaid ne Kunterà ku” diyà te lusud te Nekebpuru ne Valey te Eleteala ke warà iluhut kandin, ne sikiyu riyà te pruvinsiya te Hudiya ne pelahuy kew riyà te buvungan. (Sikiyu ke ebpekevasa kayi ne pegpegitunga niyu ke meana rin ini.)

Marcos 13:14 ပူးပေါင်းရင်းမြစ်များ

Mateo 13:51

Ne mid-insaan ni Hisus ke edumdumaan din te, “Menu, egkesebutan niyu ini se langun ne mibpengahi ku?” “Uya,” ke se menge edumdumaan din.

1 Kurintu 14:20

Menge suled, kenà niyu ebetaa se kebpegitunga niyu kayi. Iyan niyu rà iringi te kebpegitung te batà ne ke itungan dan ne kenà pà ebpekepesinaru riyà te meraatey ne ulaula. Ugaid ne ke pegitungan niyu mekeatag dut te menge ketau ne riyà ebpuun te Kedesenan ne Ebpetuntul te Menusiyà, ne iyan niyu kebpegitung ne iring te lukes.

Imperayag 1:3

Ne dayirayi ke etew ne ebasa kayi te insurat ini ne egkenged-ulaula, ne dayirayi rema ke menge etew ne ebpemineg wey edtuman te insuhù kayi su mehaan en ke hewii ne egketuman ini.

Imperayag 13:18

Iyan dà ebpekesabut dutun ne ke etew ne mibehayan te Eleteala te metampas ne itungan. Ne ke etew ne metampas se itungan din ne egketuenan din ke meana dut te rumiru te arà se mekeandek ne binatang su ngaran arà te etew, ne arà se rumiru rin ne enem ne hatus wey enem nepulù wey enem.