Marcos 11:3 - Ke meupiya ne tudtul mekeatag ki Hisu Kristu

³ Ne embiya ruen ed-insà keniyu te, ‘Meambe ke ed-ekaran niyu ke nati ne kudà?’ ne iyan niyu kehiya te, ‘Ke Kerenan dey se ebpegin-awà kayi te egkeunturan din ne mehaan dà id-ulì.’”

Marcos 11:3 ပူးပေါင်းရင်းမြစ်များ

Marcos 11:2

ke sikandin te, “Una kew en be ketà te inged ne an te unaan ta, ne ketà te ebpekeuma kew ne egkekita niyu ke nati ne kudà ne in-iket ketà ne warà pà bulug meunturi. Ekari niyu be ne ewita niyu en kayi.

Marcos 11:4

Arà dà ne mid-ipanew en ke deruwa ne etew. Guna su nekeuma ran ne nekita ran en ke nati ne kudà diyà te uvey te ralan ne in-iket diyà te bengawan te valey.

Marcos 14:15

Ne ketà ne ibpekita rin keniyu ke meluag ne ruhu diyà te ikeruwa ne pangkat ne saag ne nepegediran en, ne ketà kew be pegatur te idlavung tew.”

Nenged-ulaula 1:24

Ketà ne mibpengeningeni ran se egkahi te, “Kerenan, netuenan nu ke engkey se netahù te hinawa te langun ne menge etew. Ne guntaani ne ipekita nu kenami ke endei se nepemilì nu kayi te deruwa ini

Nenged-ulaula 10:36

Ne netuenan niyu te impesabut te Eleteala kenami ne menge kevuwaran ni Israyil te ini se Meupiya ne Tudtul ne ebpekerinew te hinawa tew ne riyà ebpuun te ki Hisu Kristu ne Kerenan dut te langun.

Nenged-ulaula 17:25

ne geina te warà kurang din ne warà misan engkey ne neveelan te etew ne ruen atag din diyà te kandin,” ke si Pablo, “su sikandin se ebehey te hinawa wey umur wey langun taman dut te langun ne menge etew.

2 Kurintu 8:9

Netuenan niyu te rekelà ke tavang ni Hisu Kristu ke Kerenan tew su ketà te ked-ubpà din diyà te langit ne sikandin ke kemuney te langun taman, ugaid ne mid-awà sikandin ketà su mibpengkayi te ampew te dunya ne mibpevaluy sikandin ne etew su atag dut te limù din keytew. Ned-ulaula arà su apey ruen dalan te ebpekeamung ki kandin te egkemuney dut te keupianan diyà te langit.