Marcos 10:47 - Ke meupiya ne tudtul mekeatag ki Hisu Kristu

⁴⁷ Guna su nerineg din te edsahad en si Hisus ne riyà ebpuun te Neserit ne mibensag en te, “Hisus, ke inenakan ni David rengan, igkeyru a nu nevenar!”

Marcos 10:47 ပူးပေါင်းရင်းမြစ်များ

Mateo 1:1

Ini se guhud te kepuun ni Hisu Kristu, kevuwaran ni David wey kevuwaran dema ni Abraham.

Mateo 12:23

Nengegeyip ke menge etew ketà ne ke sikandan te, “Menu, sikandin be buwa ini ke nekahi te Eleteala ne kevuwaran ni David ke datù tew rengan?”

Mateo 15:22

Ne ruen nekeubpà ketà ne meritan ne riyà ebpuun te inged ne Kenaan ne midtelavuk ki Hisus. “Kerenan, sikuna ne inenakan ni David,” ke sikandin, “igkeyru a nikuna! Su ruen anak ku ne meritan ne midsuukan te busew ne egkepesangan nevenar.”

Mateo 2:23

ne mid-ubpà dan ketà te inged ne ed-ingaranan te Nesarit. Ned-ulaula rin ini su apey metuman ke impekahi rut te ebpelambas te Lalag te Eleteala rengan ne egkahi te, “Ed-ingeranan sikandin te etew te Nesarit.”

Mateo 20:30

Ne diyà te kilid te ebpevayaan dan ne ruen deruwa ne meama ne pisek ebpimpinuu. Guna su nerineg kayi te deruwa ne pisek te edsahad si Hisus ne midtawag dan te, “Igkeyru key nikuna! Su sikuna ke inenakan dut te datù tew rengan ne si David!”

Mateo 21:11

Midtavak ini se menge miduma ki Hisus te, “Si Hisus ini ne ebpelambas te Lalag te Eleteala ne riyà ebpuun te Nesarit diyà te lusud te Geliliya.”

Mateo 21:9

Ne ke menge etew ne mid-una ki Hisus wey engketà ded ke midtundug kandin ne migkerag te, “Edeyuen tew ke inenakan ni David! Menu ma ke ebpeneuven te Eleteala ini se midtendù din ne edatù te langun! Edeyuen tew ke Eleteala!”

Mateo 26:71

Ne mid-ip-ipanew en sikandin se ebpependiyà te bengawan te lama. Nekita en maa si Pedro te senge etew ne meritan ne edsugsuhuen ketà ne migkahi diyà te menge etew ne nevurun te, “Ayan se etew ne teleduma ki Hisus ne riyà ebpuun te Nesarit.”

Mateo 9:27

Ne mid-awà si Hisus ketà ne gewii rin te ed-ipanew ne ruen deruwa ne etew ne pisek ne edtundug kandin. Midtawag dan kandin se ebpemuyù te, “Ey, sikuna ne kevuwaran ni David, ikeyru key nikuna!”

Marcos 1:24

“Hisus ne riyà ebpuun te Nesarit, engkey se kememeniyà nu kayi te sikami ne vusew? Maa, edereetan key nikuna? Egkekilala ku sikuna su sikuna ke Berekat ne Midsuhù te Eleteala.”

Lucas 4:16

Ne arà pà ne midlaus si Hisus diyà te Nesarit, ke inged ini ne kayi en mibukelid sikandin. Neuma se Hewii ne Id-imeley ne mibpendiyà sikandin te valey ne ebpengedian te Hudiyanen te penduan dan su ini se kandin ne ulaula. Guna su nevurun dan en ne mid-itindeg en si Hisus su ebasa te Lalag te Eleteala.

Juan 1:46

Ne rutun ne migkahi en si Natanael te, “Maa, ruen bes etew ne riyà ebpuun te Neserit ne ruen egkegaga rin?” Midtavak si Pilipi te, “Iyan tumù se pengkayi ka su intengi nu.”

Juan 19:19

Ne ruen insurat ni Pilatu ke gubinedur ne impetahù diyà te divavew rut te pinebelavag ne kayu. Ne ini se insurat din ne egkahi te, “Si Hisus ne riyà ebpuun te Nesarit, ke Ratù te menge Hudiyanen.”

Juan 7:41

Ne ruen duma ne migkahi te, “Sikandin en iya ke Impasad te Eleteala ne Ebperetuen din.” Ugaid ne ruen ruma pà ne migkahi te, “Kenà, su kenà diyà ebpuun te lusud te inged ne Geliliya ke Ebperetuen te Eleteala.

Juan 7:52

“Meambe,” ke se menge ruma rin, “ebpeninindeg ka kandin su riyà ka rema ebpuun te inged ne Geliliya? Besaa nu ke impesurat ne Lalag te Eleteala ne ketà nu egketueni te warà ebpelambas te Lalag te Eleteala ne egemew riyà te lusud te inged ne Geliliya.”

Nenged-ulaula 6:14

Su nerineg dey te egkahi sikandin,” ke sikandan te, “si Hisus ini ne ebpuun te Nesarit ne edrundusen din kun ini se Nekebpuru ne Valey te Eleteala wey edsembian din ke langun ne betasan ne intahak keyta ni Moises rengan!”

Imperayag 22:16

Ne migkahi pà maa si Hisus te, “Siaken si Hisus ne midsuhù te suluhuen ku su ibpesabut din ini se lalag ku riyà te keniyu ne menge mibperetiyaya kediey. Siaken se kevuwaran dut te Datù rengan ne si David ne siaken dema ke mesihey ne mekebangas ne bituen ne edsilà te egkeriwaswas.”