Marcos 10:14 - Ke meupiya ne tudtul mekeatag ki Hisu Kristu14 Guna su nekita ini ni Hisus ne ingkeepesi rin ne ke sikandin te, “Kenà niyu dewaya sikandin! Ugaid ne ipepengkayi niyu te kediey ke menge vatà, su ke menge etew ne iring te menge vatà se kedsarig dan kediey ne sikandan ke ebpekeamung te Edetuan te Eleteala. အခန်းကိုကြည့်ပါ။ |
Marcos 10:14
36 ပူးပေါင်းရင်းမြစ်များ
Ne neepes si Hisus ne insihid din ke mata rin dut te menge etew ugaid ne ingkeuru rin ded manen su netuenan din te meresen se ulu ran su warà kegkeyru ran dut te menge ruma ran. Ne migkehiyan din manen ke etew ne nekeyengkeng se velad din te, “Mama, ketenga nu ayan se velad nu.” Arà dà ne migketeng en dut te meama ke velad din, ne neulian en.
Ne ini ke impasad te Eleteala rengan ne impepevayà din dut te menge etew ne ebpelambas te lalag din ne ini ne pasad din keniyu, su sikiyu ne nekeuman dut te impasad te Eleteala rut te menge keep-epuan niyu. Su ruen impasad te Eleteala dut te keep-epuan tew ne si Abraham se egkahi te, ‘Kayi ibpepevayà te kevuwaran niyu ne ebpeneuven ku ke langun ne menusiyà kayi te ampew te dunya.’
Su ruen sempità ku mekeatag te menge Hudiyanen te sikandan ded ke menge etew te Eleteala su ke menge apù dan ne kandin. Su sikami ne menge Hudiyanen ne iyan dey egkeiringan ne pan su kayi te betasan dey ne ruen edtevien dey rut te pan ne ebeelan dey su ibehey rey te Eleteala ne timbang te langun ne ibehey red dema diyà te Eleteala. Ne ruma pà ne upama ku ne iring te kayu su embiya ke ralid din ne iyan kemuney ke Eleteala, ne misan ke menge subpang din ne edtuvù ketà ne kandin ded dema.
Su geina te mid-engkenà ke menge Hudiyanen dut te Meupiya ne Tudtul te Eleteala, ne nevaluy ran ne kunterà din. Ugaid ne arà se kineengkenà dan, ne ketà se puunan te kegkevehayi keniyu ne kenà Hudiyanen te penaub dut te Eleteala. Ugaid ne andang en sikandan ne mibpemilì te Eleteala ne menge etew rin ne dekelà ded lavew sikandan te hinawa rin su atag dut te pasad din te keep-epuan dan.
Menge suled, kenà niyu ebetaa se kebpegitunga niyu kayi. Iyan niyu rà iringi te kebpegitung te batà ne ke itungan dan ne kenà pà ebpekepesinaru riyà te meraatey ne ulaula. Ugaid ne ke pegitungan niyu mekeatag dut te menge ketau ne riyà ebpuun te Kedesenan ne Ebpetuntul te Menusiyà, ne iyan niyu kebpegitung ne iring te lukes.
Sikiyu ne mibperetiyaya ki Hisu Kristu ne ruen esawa niyu ne warà pà mebperetiyaya ki Hisus, ne riyà te etuvangan te Eleteala ne metilak se kebpekeesawa niyu su sabap te kebperetiyaya nu ki Hisus. Engketà ded dema ke menge anak niyu riyà te etuvangan te Eleteala, su embiya ve kenà metilak se kebpekeesawa niyu riyà te etuvangan te Eleteala ne ke menge anak niyu ne kenà metilak diyà te etuvangan din su iyan dan egkeiringan ne anak dut te warà pà mebperetiyaya te Eleteala.
ကြော်ငြာတွေ