Marcos 1:5 - Ke meupiya ne tudtul mekeatag ki Hisu Kristu

⁵ Ne merakel ne menge etew ne mibpendiyà su ebpemineg kandin ne riyà ebpemuun te lusud te inged ne Hudiya wey riyà ebpuun te inged ne Hirusalim. Ne intarem dan te nekedsendit dan dut te langun ne meraat ne ulaula ran ne arà pà ne mibpebunyag dan ki Juan diyà te wayig ne Hurdan.

Marcos 1:5 ပူးပေါင်းရင်းမြစ်များ

Mateo 4:25

Ne medmerakel ne menge etew ne miduma kandin egenat te lusud te inged ne Geliliya, lusud te inged ne Dikapulis, inged ne Hirusalim, lusud te inged ne Hudiya wey menge inged diyà te ripag te wayig ne Hurdan.

Marcos 1:4

Ne netuman en ini ke impesurat te Eleteala ki Isaias mekeatag ki Juan su riyà sikandin mid-ubpà te tanà ne kenà egkeubpaan te etew se ebpembunyag wey ebpeketuenan dut te menge etew, ke sikandin te, “Pedsendit kew ne ewai niyu ke meraat ne betasan niyu ne pebunyag kew en,” ke sikandin “ne egkepesahad en te Eleteala ke salà niyu,” ke si Juan.

Marcos 1:6

Si Juan ini ne iyan din belegkas ne mid-avel ne bulvul te binatang ne ed-ingaranan te kemilu, ne iyan din insebitan se lundis ded dut te binatang. Ne iyan din keuyehan se tepurì wey teneb.

Juan 1:28

Langun kayi ne riyà med-ulaula te inged ne Bitanya riyà te ripag te wayig ne Hurdan su riyà si Juan se ebpembunyag.

Juan 3:23

Ne si Juan dema ne ebpembunyag te menge etew riyà te inged ne Inun uvey te inged ne Salim su merakel ne wayig diyà. Ne ruen menge etew ne ebpemekeuma su ebpebunyag dan kandin.

Juan 5:35

Su si Juan ne iring te sulù ne midsilà, ne nehalew kew ne ebpemineg dut te mehaan dà ne penurù din.

Nenged-ulaula 19:18

Ne merakel dut te menge mibperetiyaya ketà ne nevurun ne ebpenudtul te nekedsendit dan en dut te meraat ne mid-ulaula ran wey mid-engkeran dan en.

Nenged-ulaula 2:38

Ne migkahi si Pedro te, “Engkeri niyu ke meraat ne ed-ul-ulaan niyu ne pebunyag kew, uman seveka keniyu, su tuus te mibpesakup kew en ki Hisu Kristu. Ne ebpeseharen te Eleteala ini se meraat ne ulaula niyu ne ke Kedesenan ne Ebpetuntul te Menusiyà ne ibpeubpà din kayi te keniyu.

Santiago 5:16

Ketà be embiya ruen salà nu ne mibeelan nu te ruma nu, ne idtarem nu kandin su apey rin egkepesehad ke salà nu. Ne pengeningeni kew rema te menge ruma niyu su apey ke etew ne ederaru ne meulii. Su ke kebpengeningeni rut te etew ne metidtu diyà te etuvangan te Eleteala ne ebpekegaga nevenar.