Marcos 1:27 - Ke meupiya ne tudtul mekeatag ki Hisu Kristu

²⁷ Ne rekelà se kinekegeyip dut te langun ne menge etew ketà ne mibpein-inseey ran te, “Engkey ve vuwa ini? Kema ke ini en ke behu ne penurù. Su utew rekelà se gehem din su ebpeawà te menge vusew ne ebpemineg dan kandin.”

Marcos 1:27 ပူးပေါင်းရင်းမြစ်များ

Mateo 15:31

Ne nengegeyip ke menge etew ketà te nekita ran te nekelalag en ke menge emew, neketidtu en ke nekeyengkeng, nekeipanew en ke menge pungkù wey nekekita en ke menge pisek. Ne ketà nekereyù dan te Eleteala ne iyan ebpengerapan dut te bansa ne Israyil.

Mateo 8:9

Nesebutan ku ini su siaken ne ruen mepurù ku ne meperumaruma a kandin. Ne ruen menge sundaru ne egkemalan ku ne meperumaruma ran kediey. Su egkahi e rà te, ‘Diyà kew,’ ne iring dan te ebelesiken. Ne engketà ded ke egkahi a te, ‘Kayi kew,’ ne seperek mata ne kayi ran en. Ne embiya edsuhuen ku ini se edsugsuhuen ku te, ‘Ul-ulaa nu ini,’ ne arà en iya rema se ed-ul-ulaan din. Iring de be kayi,” ke se kepitan, “misan edlelehan nu rà ne egkeulian ini se edsugsuhuen ku.”

Mateo 9:33

Ugaid ne guna su midsegseg en ni Hisus ke vusew ne mibpemekaid, ne nekelalag en ini se meama. Ne negeyip nevenar ke langun ne menge etew ketà ne mibpein-inseey ran te, “Taman te taman en ne warà tew pà mekita se iring kayi kayi te bansa tew te Israyil.”

Marcos 1:26

Arà dà ne pinekerker en te mevaher dut te vusew ke meama ne pinekuleyì din te merahing, ne mid-ewaan din en ke meama.

Marcos 1:28

Arà dà iya ne nekeeneb en ke bentuhan dut te mid-ulaula ni Hisus diyà te lusud te langun ne inged te Geliliya.

Marcos 10:24

Ne nengegeyip ke menge edumdumaan ni Hisus ketà te lalag din. Ugaid ne migkahi en maa si Hisus kandan te, “Menge anak, merehen nevenar te etew se kebpesakup din dut te Edetuan te Eleteala.

Marcos 10:32

Gewii te ed-ip-ipanew ensi Hisus wey ke menge edumdumaan din te ebpependiyà te Hirusalim ne mid-unauna si Hisus, ne neipeng dan nevenar su ebpependiyà sikandin te Hirusalim. Ne ke menge etew ne midtinundug kandan ne nengeandek dan. Ne impesivey en ni Hisus ke menge edumdumaan din ne impesabut din en maa kandan ke ibped-ulaula kandin.

Marcos 16:5

Ne mid-awuk dan en ne iyan dan nekita ne menguwed ne meama ne mibevelegkas te meputì ne riyà mebpinuu te egkekewanan dan, ne nengeandek dan.

Marcos 16:6

Ne migkahi en ini se suluhuen te, “Kenà kew meandek!” ke sikandin. “Ebpemengà kew ki Hisus ne ebpuun diyà te Nasarit ne inlansang dan te pinebelevag ne kayu, ugaid ne warè en kayi su nevanew en. Intengi niyu ma ini se midtehuan dan kandin.

Marcos 7:37

Ne langun ne nekerineg ketà ne negeyip nevenar su iyan dan nekahi se, “Meupiya nevenar ini se langun ne vaal din! Misan ke bengel ne ebpekerineg en, ne ke emew ne ebpekelalag en!”

Lucas 4:36

Ne rekelà se kinekegeyip dut te langun ne menge etew ketà ne mibpein-inseey ran te, “Engkey ve vuwa ini? Su utew rekelà se gehem din te ebpeawà te menge vusew, ne ebpemineg dan kandin.”

Lucas 9:1

Miburun ni Hisus ke sepulù wey deruwa ne edumdumaan din ne mibeheyan din sikandan te gehem te ebpekeulì te menge daru wey ebpekesegseg dan te menge vusew ne ebpenuuk dut te menge etew.

Nenged-ulaula 17:19

Ketà ne mid-ewit dan si Pablo diyà te etuvangan te menge kunsiyal ne nevurun diyà te tuhar ne ed-ingaranan te Eriyupahu ne migkahi te, “Egkiyug key ne eguru kayi se behu ne penurù ne nelalag nu.