Marcos 1:24 - Ke meupiya ne tudtul mekeatag ki Hisu Kristu

²⁴ “Hisus ne riyà ebpuun te Nesarit, engkey se kememeniyà nu kayi te sikami ne vusew? Maa, edereetan key nikuna? Egkekilala ku sikuna su sikuna ke Berekat ne Midsuhù te Eleteala.”

Marcos 1:24 ပူးပေါင်းရင်းမြစ်များ

Mateo 2:23

ne mid-ubpà dan ketà te inged ne ed-ingaranan te Nesarit. Ned-ulaula rin ini su apey metuman ke impekahi rut te ebpelambas te Lalag te Eleteala rengan ne egkahi te, “Ed-ingeranan sikandin te etew te Nesarit.”

Mateo 8:29

Ne migkuleyì dan te, “Sikuna ke Anak te Eleteala, ne engkey ma se kememeniyà nu kediey? Maa mibpengkayi ka su ebpemekeiran key nu misan kenà pà ini ke timpu?”

Marcos 1:23

Ketà ne ruen meama ne midlusud te kevurunan dan ne midsuukan te vusew ne migkuleyì te,

Marcos 1:25

Ne migkehiyan en ni Hisus ke vusew te, “Engked ka rà, ne awà ka keniyan te meama ayan!”

Marcos 10:47

Guna su nerineg din te edsahad en si Hisus ne riyà ebpuun te Neserit ne mibensag en te, “Hisus, ke inenakan ni David rengan, igkeyru a nu nevenar!”

Marcos 14:67

Nekita rin si Pedro se ed-in-inarang ne mibpeut-utengan din te edtengteng se egkahi te, “Sikuna rema ne ruma ka ni Hisus ke ebpuun te Nasarit.”

Marcos 16:6

Ne migkahi en ini se suluhuen te, “Kenà kew meandek!” ke sikandin. “Ebpemengà kew ki Hisus ne ebpuun diyà te Nasarit ne inlansang dan te pinebelevag ne kayu, ugaid ne warè en kayi su nevanew en. Intengi niyu ma ini se midtehuan dan kandin.

Marcos 5:7

Ne mibensag en sikandin se egkahi te, “Sikuna ini si Hisus ke Anak te Eleteala ne warà repeng din. Engkey ma se kememeniyà nu kediey? Isapà nu te etuvangan te Eleteala te kenà a nu pemekeiri,” ke sikandin.

Lucas 1:35

Migkahi maa ke suluhuen te Eleteala te, “Iyan ma edalandalan keykew ke Kedesenan ne Ebpetuntul te Menusiyà, ne ke gehem te Eleteala ne ini en te keykew. Tembù be ini se igkeanak nu ne berekat ne vatà ne iyan id-ingaran kandin ke Anak te Eleteala.

Lucas 24:19

“Maa,” ke si Hisus, “engkey se ned-ulaula ketà?” Ne midtavak dan te, “Engkey ve iya? Iyan arà ne mekeatag ki Hisus ne riyà ebpuun te Nesarit. Su si Hisus ini ne benar ne mibpelambas te Lalag te Eleteala diyà te etuvangan din wey kayi rema te etuvangan te menge etew. Duen gehem din te kebpenurù din wey kayi rema te langun te mid-ulaula rin ne mekegeyip.

Lucas 4:34

“Hey Hisus ne riyà ebpuun te Nesarit, engkey se kememeniyà nu kayi te sikami ne vusew? Maa, edereetan key nikuna? Egkekilala ku sikuna su sikuna ke Berekat ne Anak te Eleteala!”

Lucas 8:28

Nekita rin dà si hisus ne midrawak en ne midlumpeng diyà te sineruwan ni Hisus ne mibensag en se egkahi te, “Sikuna ini si Hisus ke Anak te Eleteala ne warà repenge din. Engkey ma se kememeniyà nu kediey? Isapà nu te etuvangan te Eleteala te kenà a nu pemekeiri!”

Lucas 8:37

Ne langun ne mehinged ketà te Gerisiyanu ne mibpemuyù ki Hisus te menu med-awà sikandin su neandek dan nevenar. Arà dà ne midlived en si Hisus diyà te avang din su ed-awà en.

Juan 6:69

Ne mibperetiyaya key en keykew su netuenan dey se sikuna ke Berekat ne midsuhù te Eleteala ne ebpekemalen.”

Nenged-ulaula 2:27

su netuenan ku te kenà din idtahak ini se gimukud ku diyà te inged ne Iveyaan; siaken ne laus ne edtuman te suhù din, ne kenà din idtahak ini se lawa ku te egkeredak dà.

Nenged-ulaula 24:5

Iyan dey kebpengkayi ne ebpesebutan dey kenikew te ini se etew ne si Pablo ne mesamuk sikandin su ini se menge baal din se puunan te kegkehuvut dut te menge Hudiyanen te piya endei ebpesinaru sikandin. Su sikandin ke unutan dut te menge etew ne ed-ingaranan te Neserinu su si Hisus ke mibperetiyaya ran ne riyà ebpuun te inged ne Nesarit.

Nenged-ulaula 3:14

Metilak nevenar se atey ni Hisus wey metidtu sikandin, ugaid ne warà niyu tuhuti ne ibpeliyu sikandin ni Pilatu su nasì niyu pà buyua te iyan din ibpeliyu rut te bilengguan ke senge etew ne terevunù.

Nenged-ulaula 4:27

Is, Eleteala,” ke sikandan, “ini se impekahi nu ki David dengan ne netuman en su nevurun en ke menge Hudiyanen wey ke kenà menge Hudiyanen diyà te engki Hirudis wey si Gubinedur Punsiyu Pilatu kayi te inged ne Hirusalim su neseveka ran en ne egkunterà ki Hisus, ini se sugsuhuen nu ne meputì nevenar se atey rin, ini se Impasad nu ne Ebperetuen te langun.

Santiago 2:19

Embiya egkahi ka te mibperetiyaya ke en te sebseveka rà ke Eleteala ne meupiya arà, ugaid ne kunaan nu ke kebperetiyaya nu se ebpekegaga. Misan ke busew ne ebperetiyaya ne egkerkeren dan te kegkeandek dan kandin, su netuenan dan se edusaan dan pà te Eleteala.

1 Juan 2:20

Ugaid ne sikiyu ne kenà iring ketà su midtelimà kew en dut te Kedesenan ne Ebpetuntul te Menusiyà ne midsuhù ni Hisu Kristu, tembù be netuenan niyu langun ini se tidtu ne penurù.

Imperayag 3:7

Ketà ne migkahi en maa si Hisus te, “Surati nu red ke suluhuen ne ebantey dut te menge mibperetiyaya diyà te inged ne Piledilpiya, ne ini se menge lalag ne isurat nu. “‘Ini se menge lalag ku keniyan te keniyu. Siaken ke ed-ulaula te metidtu, ne egkeserihan a. Ne mibehayan a te kebayàbayà su apey edatù te iring dut te kedatù ni David dengan. Ne embiya ebpuwasan ku ke gumawan su apey ruen etew ne ebpekelusud ketà te edetuan ku, ne warà etew ne ebpekelekeb kayi. Ne embiya edlekevan ku ini su apey warà etew ne ebpekelusud, ne warà ded maa etew ne ebpekepuwas kayi.