Marcos 1:20 - Ke meupiya ne tudtul mekeatag ki Hisu Kristu

²⁰ Nekita ran dà ni Hisus ne mid-umew rin en te ebperumaan dan kandin. Arà dà ne mid-ewaan dan en ke amey ran ne si Sibidyu abpeg ke menge etew ne midsukayan dan te ebpemiyala su miduma ran en ki Hisus.

Marcos 1:20 ပူးပေါင်းရင်းမြစ်များ

Mateo 10:37

“Embiyà ruen etew ne iyan pà dekelà se limù din dut te amey rin wey iney rin kenà siaken, ne kenà edait sikandin ne edumdumaan ku. Iring din ded dema ke etew ne iyan pà dekelà se limù din dut te anak din kenà siaken, ne kenà edait sikandin ne edumdumaan ku.

Marcos 1:19

Guna su neketantal en si Hisus ne nekita rin en si Santiago wey ke ari rin ne si Juan, ke menge anak ni Sibidyu, se riyà te avang dan ne ebpengumbayà te biyala ran.

Marcos 1:21

Nekeuma ran diyà te inged ne Kapirnawum ne guna su neuma en ke Hewii te Id-imeley rut te menge Hudiyanen ne mibpendiyan en si Hisus dut te valey ne ebpengedian te menge Hudiyanen te penduan dan ne mibpenurù.

Marcos 10:29

Ne migkahi si Hisus kandan te, “Benar ayan, ugaid ne sebenarvenar ini se egkehiyen ku keniyu te misan engkey ne etew se neewaan din ke ubpaan din, menge suled din, menge etevey rin, ke iney rin wey amey rin, menge anak din, wey ke tanà din su atag dut te keduma rin kediey wey ke kebpesabut din dut te Meupiya ne Tudtul,

Lucas 14:26

“Embiya ruen etew ne egkiyug ne eduma kediey ugaid ne iyan pà dekelà se limù din dut te amey rin wey iney rin, esawa rin, menge anak din, menge suled din, etawa misan ke hinawa rin, ne kenà benar sikandin ne edumdumaan ku.

Lucas 5:11

Ne in-ampil dan ke menge avang dan diyà te gebgevasan ne mid-ewaan dan en ini langun su miduma ran ki Hisus.

2 Kurintu 5:16

Ketà te warà a pà mebperetiyaya ki Hisu Kristu ne ke menge etew ne edsudian ku te kebpeparas dan wey ke kebevelegkasan dan, ne engketà ded dema ke nepegitung ku ki Hisu Kristu. Ugaid ne gunteani ne nesalin en ke itungan ku.