Marcos 1:2 - Ke meupiya ne tudtul mekeatag ki Hisu Kristu

² Iyan din ini rudsuan ne nekedsuhatey dut te impesurat te etew ne mibpelambas te Lalag te Eleteala ne si Isaias su impesurat kandin te Eleteala se egkahi te, “‘Duen edsuhuen ku ne ibpeuna ku keykew,’ ke se Eleteala, ‘te kebpekepenehana rut te menge etew te kebpekeuma nu.’

Marcos 1:2 ပူးပေါင်းရင်းမြစ်များ

Mateo 11:10

Su si Juan ini ke nekahi te Eleteala rut te impesurat ne Lalag din rengan se egkahi te, ‘Duen edsuhuen ku ne ibpeuna ku keykew te kebpekepenehana rut te menge etew te kebpekeuma nu.’

Mateo 2:5

“Diyà te inged ne Bitlihim lusud kayi te Hudiya,” ke sikandan, “su ini ke impesurat dut te ebpelambas te Lalag te Eleteala rengan se egkahi te,

Mateo 26:24

Su egkeimetayan ke Impeanak te Menusiyà iring dut te nekahi te impesurat ne Lalag te Eleteala rengan, ugaid ne meraat nevenar se egketemanan din ini se etew ne ed-ulug kandin. Iyan pà tumù ne warà ianak sikandin.”

Mateo 26:31

Ne migkahi pà maa si Hisus dut te edumdumaan din te, “Ini ne kerukileman ne langun niyu ne ebpelahuy ne edtehaken a niyu su ruen Lalag te Eleteala ne impesurat din ne egkahi te, ‘Ebpeimetayan ku ke tumetuganur rut te menge bilibili, ne egurunsuwey ke menge bilibili rin.’

Lucas 1:70

Ini ve ke migkahi rin rengan impepevayà dut te menge etew ne ebpelambas te lalag din.

Lucas 1:76

“Ne sikew ini ne anak ku, iyan idtawag keykew ne ebpelambas te Lalag te Eleteala ne warà repeng din. Su edsuhuen ka nikandin te ibpeuna dut te Kerenan tew, su ebpeketuenan te menge etew te ebpenehana rut te kebpekeuma rin.

Lucas 18:31

Ne ketà ne impesivey ni Hisus ke sepulù wey deruwa ne edumdumaan din ne migkahi te, “Netuenan niyu en ne ebpendiyà kiyu te Hirusalim ne ketà ne egketuman en langun ne impesurat te Eleteala dut te menge mibpelambas te Lalag din dengan mekeatag te sikandin ne Impeanak te Menusiyà.