Marcos 1:11 - Ke meupiya ne tudtul mekeatag ki Hisu Kristu

¹¹ Ketà ne ruen suwara ne riyà ebpuun te langit ne nerineg din se egkahi te, “Sikew ke Anak ku ne igkelimù ku nevenar, ne ebpekesuhat ka nevenar te hinawa ku.”

Marcos 1:11 ပူးပေါင်းရင်းမြစ်များ

Mateo 12:18

“Ini ke sugsuhuen ku ne mibpemilì ku, sikandin ke igkelimù ku, ne ebpekesuhat sikandin te hinawa ku. Ebpelumunan ku sikandin dut te Kedesenan ne Ebpetuntul te Menusiyà, ne ini se metidtu ne kukuman ku ne ibpesabut din diyà te langun ne menusiyà.

Mateo 17:5

Edlalag pà si Pedro, ne ruen mermerayag ne sehulapun ne nekelikuvung kandan ne ruen suwara ne ketà ebpuun te sehulapun ne migkahi te, “Ini ke Anak ku ne igkelimù ku nevenar, ne ebpekesuhat nevenar sikandin te hinawa ku. Pemineha niyu ke edlelahen din!”

Mateo 3:17

Ketà ne ruen suwara ne riyà ebpuun te langit ne nerineg din se egkahi te, “Sikew ke Anak ku ne igkelimù ku nevenar, ne utew en ne ingkesuatsuat ku sikew.”

Marcos 1:10

Guna su egemew en si Hisus diyà te wayig ne nekita rin en ke langit ne nevukaan ne mibpehunrerenà en kayi te kandin ke Kedesenan ne Ebpetuntul te Menusiyà ne midragid te melepati.

Marcos 9:7

Arà dà ne ruen sehulapun ne nekelikuvung kandan ne ruen suwara ne ketà ebpuun te sehulapun ne migkahi te, “Ini ke Anak ku ne egkelimù ku nevenar. Pemineha niyu ke edlelahen din!”

Lucas 3:22

ne midudsuk ke Kedesenan ne Ebpetuntul te Menusiyà kayi te ki Hisus ne midragid te melepati. Ne ruen suwara ne riyà ebpuun te langit ne migkahi te, “Sikew ke anak ku ne igkelimù ku nevenar, ne nekesuhat ka nevenar te hinawa ku.”

Lucas 9:35

Ne ruen suwara ne ketà ebpuun te sehulapun ne migkahi te, “Ini ke Anak ku ne mibpemilì ku. Pemineha niyu ke edlelahen din.”

Juan 1:34

Ne nekita ku en iya ini,” ke si Juan, “ne egkehiyen ku en keniyu te sikandin en iya ke Anak te Eleteala.”

Juan 3:16

“Su kayi ebpuun te rekelà ne limù te Eleteala rut te langun ne menge etew kayi te ampew te dunya ne warà din ingkenuhuni ke budtung ne anak din, ugaid ne midsuhù din te ebpatey riyà te pinebelavag ne kayu su apey langun te ebperetiyaya kandin ne kenà edusaan te Eleteala ugaid ne ebpeketelimà dan te umur ne warà edtemanan din.

Juan 5:37

Ne ke Amey ku ne midsuhù kedì ne ebpeketitihus dema mekeatag kedìey. Warà niyu merineg ke suwara rin wey warà niyu mekita sikandin.

Juan 6:69

Ne mibperetiyaya key en keykew su netuenan dey se sikuna ke Berekat ne midsuhù te Eleteala ne ebpekemalen.”

Ruma 1:4

Ne netuenan ta te si Hisu Kristu ne lunsey ne Eleteala, su impekita en te Anak sikandin ketà te mibanew te Eleteala sikandin.

Kulasi 1:13

Su impeliyu kiyu en nikandin te kerusireman ne ebeyvayaan ni Setanas ke datù te pekaid, ne in-arat kiyu nikandin ketà te kerayahan ne iyan ebayàbayà ke Anak din ne si Hisu Kristu ne igkelimù din nevenar.