Lucas 9:49 - Ke meupiya ne tudtul mekeatag ki Hisu Kristu

⁴⁹ Ne migkahi si Juan ki Hisus te, “Meyterù, duen etew ne neuma rey ne ebpenegseg te vusew te ibpepevayà dut te gehem te ngaran nu, ne midawey rey sikandin su kenà tew ma ruma.”

Lucas 9:49 ပူးပေါင်းရင်းမြစ်များ

Mateo 3:14

Ugaid ne kenà perem ebunyag si Juan kandin, ke sikandin te, “Meambe ke ebpengkayi ka te kedì se ebpebunyag? Su iyan edait ne ebpebunyag a kenikew.”

Lucas 5:5

Migkahi si Simon te, “Nepewpewaan key en se ebpemiyala ne warà key en iya mekeutel, ugaid embiya arà se kahi nu ne ebpemiyala key maa.”

Lucas 9:33

Ne gewii te ed-awà ke deruwa ne etew riyà te ki Hisus ne migkahi si Pedro te, “Meyterù, meupiya su kayi ki! Edsesabung key te tetelu, seveka keykew, seveka ki Moises, wey seveka rema ki Elias.” (Ugaid ne matag be migkahi si Pedro te iring ketà ne warà din metueni ke engkey se egkehiyen din.)

Nenged-ulaula 5:28

“Imbaag dey en keniyu neraan,” ke sikandin, “te kenà niyu en ipenurù ke mekeatag te ngaran kayi te etew ini ne edumaan niyu. Ugaid ne intey niyu ve ini se mid-ulaula niyu! Su ini se impenurù niyu ne nekeeneb en kayi te lusud te Hirusalim. Ne kenà ini rà se mid-ulaula niyu su iyan key egkesenditan te kineimetayi kayi te etew ne edumaan niyu.”

1 Tiselunika 2:16

Su ibpeengked dan perem ke kebpemesabut dey te Meupiya ne Tudtul mekeatag ki Hisus dut te menge etew ne kenà Hudiyanen su apey egkepeneheewit dan te kebpekeliyu ran. Tembù be mid-umanan ke salà dan taman te neuma ke edtemanan din. Ne nekeuma en ke epes te Eleteala kandan!