Lucas 9:42 - Ke meupiya ne tudtul mekeatag ki Hisu Kristu

⁴² Ne gewii te ed-ewiten dan ke batà kayi te ki Hisus ne midsuuk en maa ke vusew kandin ne nepiley sikandin ne nehurivid en ke lawa rin. Ugaid ne midsegseg ni Hisus ke vusew, ne neulian din ke vatà, ne in-ulì din diyà te amey rin.

Lucas 9:42 ပူးပေါင်းရင်းမြစ်များ

Marcos 9:20

Ne mid-ewit dan en ke vatà riyà te ki Hisus. Guna su nekita rut te vusew si Hisus ne midsuukan din en ke vatà te nehurivid, ne nekebadas en diyà te tanà, ne midteltelilid en, ne miburàburà ke bèbà din.

Lucas 7:15

Arà dà ne mid-enew en ke minatey ne midlalag en. Ne migkahi en si Hisus kayi te iney rin te, “Ini en, Ayà, ke anak nu.”

Lucas 9:39

Ne ruen busew ne edsuuk kandin ne embiya egkeumaan sikandin ne edtekew ne egkuleyì ne egkehurivid ke lawa rin taman te eburvuraen ke bèbà din. Merasirasi edsuuk ke vusew kandin ne egkekeiran en sikandin.

Lucas 9:41

Migkahi si Hisus te, “Sikiyu ne menge etew guntaan, warà kebperetiyaya niyu te Eleteala wey menge suer kew!” ke sikandin. “Neuhet en se kebpekiduma ku keniyu, ne engkey pà taman se kebperetiyaya niyu? Wey engkey pà taman se keuhet din se kedtigkeri ku keniyu?” Ne migkahi si Hisus dut te amey te vatà te, “Ipengkayi nu ke anak nu.”

Lucas 9:43

Ne negeyip ke langun ne menge etew ketà dut te mid-ulaula ni Hisus su nekita ran ke gehem te Eleteala. Kemuluwan pà ne egkegeyip ke langun ne menge etew rut te mid-ulaula ni Hisus ne migkahi si Hisus diyà te edumdumaan din te,

Juan 6:19

Guna su neketantal dan en te menge lelima ne kilù, ne arà pà ne nekita ran si Hisus se ebpelingguma ne ed-ipanew kayi te divavew te wayig. Ne nengeandek dan nevenar!

Nenged-ulaula 9:41

Migeweran ni Pedro ke velad din su apey ibpeitindeg. Ketà ne midtawag din ke langun ne menge mibperetiyaya abpeg ke menge balu ne meritan, ne impekita rin kandan te neviviyag si Dorcas.

Imperayag 12:12

Tembù be sikiyu ke langun ne ed-ubpà diyà te langit, ne egkehalew kew su impeawà si Setanas! Ugaid ne egkeyruwan kew ne ed-ubpà diyà te tanà wey rahat su in-antug en si Setanas diyà te keniyu! Ne neepes nevenar sikandin su netuenan din te mehaan en egkepupus ke hewii rin te ebaal te meraat.”